Uppal Skywalk : హైదరాబాద్‌లోని అత్యంత రద్దీ కూడళ్లలో ఒకటైన ఉప్పల్ చౌరస్తాలో పాదచారులు ఇన్ని రోజులు ఇబ్బందులు పడ్డారు. ఇప్పుడు ఆ తిప్పలు తప్పాయి. హైదరాబాద్ మెట్రోపాలిటన్ డెవలప్‌మెంట్ అథారిటీ (హెచ్ఎండీఏ) ఉప్పల్‌లో నిర్మించిన స్కైవాక్ టవర్‌ను రాష్ట్ర ఐటీ, పురపాలక శాఖ మంత్రి కేటీఆర్ (KTR) సోమవారం ప్రారంభించారు. ప్రజల సమస్యలను దృష్టిలో ఉంచుకుని రూ.36.50 కోట్లతో హెచ్ఎండీఏ స్కైవాక్ టవర్‌ను నిర్మించారు.
Live: BRS Working President, Minister Sri @KTRBRS addressing a Public Meeting in Uppal. https://t.co/BJZapVaE7O
— BRS Party (@BRSparty) June 26, 2023
ఈ స్కైవాక్‌ను 665 మీటర్ల పొడవు, నిలువు వెడల్పు 4 మీటర్లు మరియు బస్టాప్‌లు మరియు మెట్రో స్టేషన్‌లను కలుపుతూ రోడ్డు దాటాల్సిన అవసరం లేకుండా ఆరు మీటర్ల ఎత్తుతో నిర్మించారు. 8 చోట్ల లిఫ్టులు, 4 ఎస్కలేటర్లు, 6 మెట్లు ఏర్పాటు చేశారు.
నాగోల్‌ రోడ్డు, రామంతాపూర్‌ రోడ్డు, జీహెచ్‌ఎంసీ థీమ్‌ పార్క్‌, జీహెచ్‌ఎంసీ కార్యాలయం సమీపంలోని వరంగల్‌ బస్టాప్‌, ఉప్పల్ పోలీస్ స్టేషన్‌, ఉప్పల్ ఎలక్ట్రికల్‌ సబ్‌స్టేషన్‌ ముందు ప్రవేశ, నిష్క్రమణ పాయింట్లు ఏర్పాటు చేశారు. రానున్న వందేళ్లపాటు ప్రజల సౌకర్యార్థం మనుగడ సాగించాలనే లక్ష్యంతో పాదచారుల వంతెన (UPPAL SKYWALK PROJECT) ను రూపొందించినట్లు హెచ్ఎండీఏ అధికారులు తెలిపారు.
అలాగే ఉప్పల్ శిల్పారామంలో నిర్మించిన మల్టీపర్పస్ ఫంక్షన్ హాల్ ను కేటీఆర్ ప్రారంభించారు.
Witness the magnificent Uppal Skywalk, a true jewel of urban connectivity!
Thanks to the visionary leadership of CM Sri KCR and guidance of Municipal Administration and Urban Development Minister Sri @KTRBRS, infrastructure in Hyderabad has undergone a phenomenal transformation.… pic.twitter.com/K0FQ2PiRCn
— BRS Party (@BRSparty) June 25, 2023
read more news :