యాక్షన్ మరియు ఎమోషన్లతో కూడిన కథలలో వెంకటేశ్ (Venkatesh) తనదైన ముద్ర వేస్తారు. అలాంటి ఒక జానర్‌లోనే ఆయన సైంధవ్ (saindhav) సినిమా చేశారు. శైలేష్ కొలను ఈ సినిమాకు దర్శకత్వం వహించారు. ఈ సినిమాలో విలన్ గ్యాంగ్ ఆయనను సైకో అని పిలుస్తారు. ఈ నెల 13వ తేదీన విడుదల కానున్న ఈ సినిమా నుండి, ఈవెంట్ ద్వారా ట్రైలర్‌ను విడుదల చేశారు.
Saindhav Trailer Review : వెంకటేశ్ ‘సైంధవ్’ ట్రైలర్ రివ్యూ
ఈవెంట్‌లో వెంకటేశ్ మాట్లాడుతూ, “ఈ సినిమా తర్వాత నన్ను సైంధవ్ అని పిలవండి లేదా సైకో అని పిలవండి. న్యూ ఇయర్‌లో ఈ సినిమా నుండి ట్రైలర్ విడుదల చేయడం చాలా సంతోషంగా ఉంది. సినిమా కూడా మీ అందరికీ తప్పకుండా నచ్చుతుందని నమ్మకం ఉంది. సంక్రాంతి రోజున ఈ సినిమా విడుదల చేస్తున్నాం” అని అన్నారు.
“75వ సినిమాగా సైంధవ్ చేయడం ఆనందంగా ఉంది. ఈసారి పూర్తిగా డిఫరెంట్‌గా అనిపించే సినిమా చేయాలని అనుకున్నాను. అలాంటి ఒక కథగానే ఇది నా ముందుకు వచ్చింది. సినిమా మొదలైన పదిహేను నిమిషాల్లోనే మీరు కథలో మునిగిపోతారు. నా కెరీర్‌లోనే ఇది బెస్ట్ ఫిల్మ్ అవుతుందని నమ్మకం ఉంది” అని చెప్పారు.