మనోజ్‌ బాజ్‌పేయి, అక్కినేని వారసుడు నాగచైతన్య ఇద్దరూ తనను ఎంతో ఆదరించారని చెబుతున్నది నటి ప్రాచీ దేశాయ్‌. మనోజ్‌తో ‘సైలెన్స్‌ 2’లో పనిచేశాను. ఇటీవల విడుదలైన ‘దూత’లో నాగచైతన్యతో స్క్రీన్‌ పంచుకున్నాను. ఈ రెండు సిరీస్‌ల షూటింగులు వేర్వేరు చోట్ల, వేర్వేరు సమయాల్లో జరిగినా.. తన పట్ల వీరిద్దరూ చూపించిన అభిమానం మర్చిపోలేనని చెబుతున్నది ప్రాచి.
పసందైన భోజనంతో మెప్పించారు
పసందైన భోజనంతో ఈ ఇద్దరూ తనను కట్టిపడేశారని కాంప్లిమెంట్స్‌ ఇచ్చింది. నాగచైతన్యతో ‘దూత’ షూటింగ్‌ సరదాగా, ఆహ్లాదంగా జరిగిందని ప్రాచి తెలిపింది. సీన్ల గురించి ఆలోచించకుండా, లంచ్‌ బ్రేక్‌ ఎప్పుడు వస్తుందా అని ఎదురుచూసేదని చెప్పింది. చైతన్య ప్రతిరోజూ ఏదో ఒక రుచికరమైన వంటకాన్ని తీసుకొచ్చేవాడు. ఆ వంటకాలను టేస్ట్‌ చేయడానికి ఎప్పుడూ ఉత్సుకతగా ఉండేదని పేర్కొంది.
మనోజ్‌ గురించి
“మనోజ్‌ సార్‌ కో-స్టార్‌ గురించి చాలా కేర్‌ తీసుకుంటారు. అవసరమైన సలహాలు చెబుతారు. పూర్తి స్వేచ్ఛనిస్తారు. అంతేకాదు లంచ్‌ టైమ్‌కి రుచికరమైన వంటకాలు ఏర్పాటు చేసేవారు. తను స్వయంగా చేసి మరీ తెచ్చేవారు” అని మనోజ్‌ను ఆకాశానికెత్తేసింది ప్రాచి.
ప్రాచీ మాటలలో
“మనోజ్‌ సార్‌, చైతన్య ఇద్దరూ చాలా మంచి వ్యక్తులు. నాకు చాలా సహాయం చేశారు. షూటింగ్‌ సమయంలో చాలా వినోదం కలిగించారు. నాకు చాలా ముచ్చటగా ఉంది” అని ప్రాచీ చెప్పింది.
also read :
సమంత సినిమాపై నాగచైతన్య ఇంట్రెస్టింగ్ కామెంట్స్ !