తెల్లవారుజామున నిద్రలేచేవారిలో టైప్-2 డయాబెటిస్‌ వచ్చే అవకాశాలు తక్కువగా ఉన్నాయని తాజా అధ్యయనంలో తేలింది. ఉదయాన్నే నిద్రలేచే అలవాటు వల్ల అల్పాహారం కూడా చాలా త్వరగా పూర్తవుతుంది.
దీంతో రక్తంలో ఇన్సులిన్ లెవల్స్, షుగర్ లెవెల్స్ అదుపులో ఉంటాయని పరిశోధకులు చెబుతున్నారు. అమెరికాలో నిర్వహించిన ఒక సర్వేలో, 10,571 మందిని పరీక్షించి, భోజన సమయం, రక్తంలో చక్కెర మరియు ఇన్సులిన్ స్థాయిల మధ్య ప్రత్యక్ష సంబంధం ఉందని నిర్ధారించారు.
ఉదయాన్నే అల్పాహారం తీసుకున్నవారిలో రక్తంలో చక్కెర స్థాయిలు నియంత్రణలో ఉన్నాయని మరియు ఇన్సులిన్ స్థాయిలు హెచ్చుతగ్గులు లేకుండా ఉన్నాయని నిర్ధారించబడింది. మన శరీరం యొక్క జీవక్రియలు మనం తినే సమయానికి దగ్గరి సంబంధం కలిగి ఉంటాయి.
అల్పాహారం రోజులో అత్యంత ముఖ్యమైన భోజనం. రోజంతా మిమ్మల్ని శక్తివంతంగా ఉంచడంలో సహాయపడుతుంది. అందుకే ప్రొటీన్లు, ఆరోగ్యకరమైన కొవ్వులు, పీచు పదార్థాలు ఎక్కువగా ఉండే అల్పాహారంతో రోజును ప్రారంభించడం మంచిది. పండ్లు, గింజలు, పెరుగు, కూరగాయలు, గుడ్లు మొదలైన వాటిని ప్లేట్‌లో చేర్చాలి.
also read :
Healthy Cooking Oils : ఏ నూనె ఆరోగ్యానికి మంచిది ? వివరాలు తెలుసుకోండి !
metabolic syndrome : మెటబాలిక్ సిండ్రోమ్ అంటే ఏంటి ? ఎలా గుర్తించాలి ? వివరాలు తెలుసుకోండి!