Pavitra Lokesh: ఇటీవ‌లి కాలంలో నరేష్, పవిత్రా లోకేష్ మీడియాలో ఎంత హాట్ టాపిక్‌గా మారారో చూశాం. అయితే వీరిద్ద‌రు క‌లిసి ఇప్పుడు మళ్లీ పెళ్లి అనే టైటిల్‌తో సినిమా చేస్తున్నారు. ఇప్ప‌టికే ట్రైల‌ర్ విడుద‌ల కాగా, ఇది ఆక‌ట్టుకుంది. ఇందులో నరేష్-పవిత్ర బంధంతో పాటు సూపర్ స్టార్ కృష్ణ ఇంటి వ్యవహారాలను కూడా చూపించి అంద‌రిని ఆశ్చ‌ర్య‌ప‌రిచారు. అయితే పవిత్రా లోకేష్ తాజాగా మాట్లాడుతూ.. విజయకృష్ణ మూవీస్ను రీలాంఛ్ చేయడం శుభపరిణామమని చెప్పుకొచ్చింది.
అలానే తమ జంటకు కృష్ణ, విజయనిర్మల ఆశీస్సులు ఉంటాయని పేర్కొంది. ఆమె చేసిన ఈ కామెంట్స్ ఇప్పుడు హాట్ టాపిక్‌గా మ‌రాయి. కొద్ది రోజులుగా స‌హ‌జీవ‌నం సాగిస్తున్న ఈ జంట మ‌ధ్య‌మ‌ధ్య‌లో వెరైటీగా వార్త‌ల‌లోకి ఎక్కుతూ ఉన్నారు. అనేక వివాదాలు న‌డుస్తున్నా కూడా నరేష్, పవిత్ర ఏ మాత్రం త‌గ్గ‌డం లేదు. ‘మళ్లీ పెళ్లి’ సినిమా మంచి విజ‌యం సాధిస్తుంద‌ని, దర్శకుడు ఎంఎస్ రాజుతో కలసి పనిచేయడం వల్ల ఎన్నో కొత్త విషయాలు నేర్చుకోవచ్చని చెప్పుకొచ్చింది పవిత్రా. ‘మళ్లీ పెళ్లి’ చిత్రాన్ని ప్రేక్షకులు తప్పకుండా ఎంజాయ్ చేస్తారంటూ పవిత్రా లోకేష్ ధీమా వ్య‌క్తం చేసింది.