karthika deepam: బుల్లితెర ప్రేక్ష‌కుల‌కి ప‌రిచ‌యం అక్కర్లేని సీరియల్ కార్తీక దీపం. ఇందులో డాక్టర్ బాబు, వంటలక్క పాత్ర‌లకు మంచి పేరు వ‌చ్చింది. ఆ పాత్ర‌ల‌ని సొంతింటి వారిగా ఫీల్ కావ‌డంతో ప్రేక్ష‌కులు ఈజీగా క‌నెక్ట్ అయ్యారు.. 2017లో మొదలైన ఈ సీరియల్ ఇంటిల్లిపాదినీ అలరించింది.
సోమవారం నుండి శనివారం వరకు రాత్రి 7.30 గంటలకు మాటివిలో ప్ర‌సారం కాగా, దాదాపు 1569 ఎపిసోడ్లను పూర్తి చేసుకుంది. డాక్టర్ బాబు నిరుపమ్, వంటలక్క, దీపగా ప్రేమి విశ్వనాథ్, మోనితగా శోభా శెట్టి నటనకు ప్రతి ఒక్కరు క‌నెక్ట్ అయ్యారు. అయితే ఇప్పుడు ఈ సీరియల్ ఎండ్ కార్డ్ పడిపోవడంతో మహిళలు కాస్తంత నిరాశకు గురౌతున్నారు.
ఇదే స‌మ‌యంలో ఈ సీరియల్ ద‌ర్శ‌కుడు దీనికి సీక్వెల్ ఉంటుంద‌ని చెప్పి కార్తీక దీపం ఫ్యాన్స్ ని ఆనంద‌ప‌రిచారు. విధి అనే సీరియల్ మినహా ఇప్పటి వరకు ఏ సీరియల్ కు సీక్వెల్ జరగలేదని.. త్వరలో మొదటి భాగం కథను డామినేట్ చేసేలా కొత్త కథను తయారు చేస్తామని ద‌ర్శ‌కుడు చెప్పారు. .
ఈ సీరియల్ లో నటించే పెద్ద క్యారెక్టర్ల నుండి చిన్న క్యారెక్టర్లతో సహా ప్రతి ఒక్కరికి మంచి పేరు వచ్చిందని ఆయ‌న తెలిపారు. ఈ సీరియల్ సక్సెస్ లో ప్రతి ఒక్కరి పాత్ర ఉందని సీరియల్ హీరో నిరుపమ్ అన్నాడు. మ‌రి రెండో పార్ట్ మొదటి పార్ట్‌ని మించి ఉంటుందా అనేది చూడాలి.
also read news:
Viral Video Today : అక్రమ మద్యం కేసులో రామచిలుక అరెస్టు..
Layoffs : లేఆఫ్స్‌తో అమెరికాలో లక్ష మంది తెలుగు వారి ఇక్కట్లు!