bro telugu movie review
బ్రో సినిమా కథ ఏంటంటే ?
బ్రో సినిమా మార్క్ అలియాస్ మార్కండేయులు (సాయి ధరమ్‌ తేజ్) అనే నిమిషం కూడా తీరిక లేకుండా పని చేసే ఒక పర్సన్ చుట్టూ తిరుగుతుంది. మార్కండేయ చిన్నప్పుడే తన తండ్రి మరణిస్తాడు. మార్కండేయకి ఇద్దరు చెల్లెలు మరియు ఒక తమ్ముడు ఉంటారు. తండ్రి చనిపోవడంతో కుటుంబ బాధ్యతలన్నీ తానే తీసుకుంటాడు. తన బిజీ లైఫ్ లో నాకు టైం లేదని అందరికి చెబుతూనే ఉంటాడు. ఇంట్లో మరియు పని ప్రదేశంలో అతనికి మంచి పేరు మరియు మర్యాద ఉంటుంది. అయితే ఓ రోజు కారులో ప్రయాణిస్తుండగా అనుకోకుండా ప్రమాదానికి గురై అక్కడికక్కడే చనిపోతాడు. దేవుడు లాంటి ‘కాలం’ పాత్రలో చనిపోయిన సాయిధరమ్‌కి పవన్ కళ్యాణ్ మద్దతుగా నిలిచాడు. మార్కండేయ మరణానంతరం కూడా కొన్ని షరతులతో 90 రోజులపాటు జీవితాన్ని ప్రసాదిస్తాడు. ఆ తర్వాత మార్కండేయుడి చుట్టూ కథ తిరుగుతుంది. ఆ 90 రోజుల్లో మార్కండేయ ఏం చేశాడు ? తర్వాత ఏం జరిగింది.
బ్రో సినిమా నటీనటులు ఎలా చేశారంటే ?
పవన్ కళ్యాణ్ గురించి ప్రత్యేకంగా చెప్పనవసరం లేదు. దేవుడు ‘టైమ్’ అనే పాత్రలో మరోసారి తన మ్యాజిక్ చూపించాడు పవన్. పవన్ పాత్ర మనల్ని ఎంతగానో ఆకట్టుకుంటుంది. పాటల్లో పాతకాలపు పవన్ కళ్యాణ్ ని చూస్తాం. పవన్ కళ్యాణ్ తో పాటు సాయిధరమ్ తేజ్ కూడా తన క్యారెక్టర్ లో చాలా బాగా నటించాడు. మావయ్యతో మొదటి సినిమా అని నటనలో కూడా అద్బుతంగా నటించాడు. ఇక మిగిలిన వారు తమ తమ పాత్రల్లో చక్కగా చేశారు.
బ్రో సినిమా టెక్నికల్ గా ఎలా ఉందంటే ?
టెక్నికల్ సిబ్బంది పనితీరు విషయానికి వస్తే.. ఈ సినిమా తమిళ సూపర్ హిట్ మూవీ వినోద్ సీతమ్ కి రీమేక్ అనే విషయం తెలిసిందే. కానీ దర్శకుడు సముద్రఖని మాత్రం మన తెలుగు సినిమాకు తగ్గట్టుగా చాలా మార్పులు చేశాడు. కొన్ని చోట్ల ఒరిజినల్ కంటే బాగున్నా, మరికొన్ని సీన్లలో కాస్త డల్ గా అనిపించింది.
అంతే కాకుండా పవన్ ఇమేజ్ కోసం యాక్షన్ సీన్స్ లో పొలిటికల్ పంచ్ లు, పంచ్ డైలాగ్స్ పెట్టడం పవన్ ఫ్యాన్స్ కి విజిల్స్ పడేలా చేస్తుంది. అయితే ఇవి సాధారణ ప్రేక్షకులకు సరిపోతాయా అనేది అనుమానమే. తమన్ అందించిన పాటలు బాగున్నాయి. సినిమాటోగ్రఫీ, స్క్రీన్ ప్లే పర్ఫెక్ట్ గా సరిపోయింది.
బ్రో సినిమా విశ్లేషణ..
అసలు సినిమా వినోదయ సిత్తం సినిమాకి ఈ సినిమాకి చాలా తేడాలున్నాయి. కానీ దర్శకుడు పవన్ కళ్యాణ్ పాత్రను చూపించిన తీరు అభినందనీయం. ఫస్ట్ హాఫ్ ప్రేక్షకులను బాగా ఆకట్టుకుంటుంది. అయితే సెకండాఫ్ ఎడిటింగ్ కాస్త పదును పెట్టి ఉంటే బాగుండేది. అదేవిధంగా పాత్రల విషయం.. నేపథ్య సంగీతంపై కాస్త శ్రద్ధ పెడితే బాగుండేది.
కానీ పవన్ కళ్యాణ్, సాయిధరమ్ తేజ్ తమ నటనతో ఈ సినిమాలోని మైనస్‌లన్నింటినీ కవర్ చేశారు. ముఖ్యంగా పవన్ కళ్యాణ్ పాత పాటలు ఈ సినిమాకే హైలైట్. కథలో చేసిన మార్పుల వల్ల సినిమా ఓకే అనిపించినా పవన్ కళ్యాణ్ తన నటనతో మెస్మరైజ్ చేసి సినిమాను మరో స్థాయికి తీసుకెళ్లాడు.
బ్రో సినిమా తీర్పు..
పవన్ కళ్యాణ్ అభిమానులకు సూపర్ హిట్ అయితే సామాన్య ప్రేక్షకులకు యావరేజ్ హిట్.
బ్రో సినిమా రేటింగ్ 3 / 5
also read :
gold and silver rates today : పసిడి ప్రియులకు షాకింగ్ న్యూస్.. ఈ రోజు ధరలు ఎలా ఉన్నాయంటే ?
horoscope today in telugu : 28-07-2023 ఈ రోజు రాశి ఫలాలు