డైరెక్టర్ ప్రవీణ్ సత్తారు దర్శకత్వం లో అక్కినేని నాగార్జున ప్రధాన పాత్రలో తెరకెక్కించిన యాక్షన్ ఎంటర్‌టైనర్ ‘ The Ghost ‘ షూటింగ్ దుబాయ్‌లో తిరిగి ప్రారంభమైంది.
ఇది చాలా సుదీర్ఘమైన షెడ్యూల్ అని, మేకర్స్ ఈ సినిమాలోని ప్రధాన తారాగణానికి సంబంధించిన చాలా ముఖ్యమైన సన్నివేశాలను దుబాయ్‌లో చిత్రీకరిస్తారని యూనిట్ సన్నిహిత వర్గాలు చెబుతున్నాయి.
నాగార్జున సరసన కథానాయికగా నటించేందుకు ఎంపికైన సోనాల్ చౌహాన్ కూడా ఈ షెడ్యూల్‌లో టీమ్‌తో జాయిన్ అయింది. నాగార్జున సరసన సోనాల్ చౌహాన్ నటిస్తున్న తొలి మూవీ ఇదే.
శ్రీ వెంకటేశ్వర సినిమాస్ ఎల్‌ఎల్‌పి,నార్త్‌స్టార్ ఎంటర్‌టైన్‌మెంట్ బ్యానర్స్‌పై నారాయణ్ దాస్ కె నారంగ్, రామ్ మోహన్ రావు, శరత్ మరార్ ఈ చిత్రాన్ని నిర్మిస్తున్నారు.
ఈ చిత్రంలో నాగార్జున మరియు సోనాల్ చౌహాన్‌లతో పాటు గుల్ పనాగ్ మరియు అనిఖా సురేంద్రన్ కూడా ఈ చిత్రంలో ముఖ్యమైన పాత్రల్లో కనిపించనున్నారు. బ్రహ్మ కడలి ఆర్ట్ డైరెక్టర్ కాగా , ఈ చిత్రానికి ముఖేష్ కెమెరాను అందిస్తున్నారు.
అక్కినేని నాగార్జున ఇటీవల నటించిన ‘బంగార్రాజు’ జనవరిలో ప్రేక్షకుల ముందుకు వచ్చింది, ప్రస్తుతం OTT ప్లాట్‌ఫారమ్‌లో ప్రసారం అవుతోంది. నాగార్జున-నాగ చైతన్య, తండ్రీకొడుకులు జంటగా నటించిన ‘బంగార్రాజు’ థియేటర్లలో ప్రేక్షకులను బాగా అలరించింది.
నాగార్జున సూపర్ హిట్ మూవీ ‘సోగ్గాడే చిన్ని నాయనా’ సీక్వెల్ ‘బంగార్రాజు’, తెలుగు క్లాసిక్ మూవీ ‘మనం’ తర్వాత నాగార్జున మరియు నాగ చైతన్యల కలయికలో రెండవది.
బంగార్రాజు సినిమాలో నాగార్జున భార్యగా నటి రమ్యకృష్ణ నటించగా , నాగ చైతన్యకు జోడీ గా కృతి శెట్టి నటించింది . ఇతర నటీనటులు ఫరియా అబ్దుల్లా, దక్ష ‘బంగార్రాజు’లో పాటల సన్నివేశాల్లో కనిపించారు.
రావు రమేష్, వెన్నెల కిషోర్, బ్రహ్మాజీ, ఝాన్సీ ముఖ్య పాత్రల్లో నటించారు. అన్నపూర్ణ స్టూడియోస్ మరియు జీ స్టూడియోస్ సంయుక్తంగా నిర్మించిన చిత్రం బంగార్రాజు.
మరిన్ని వార్తలు చదవండి :
భీమ్లా నాయక్ : త్రివిక్రమ్ గారి సపోర్ట్ నాకు చాలా హెల్ప్ చేసింది – దర్శకుడు సాగర్
సల్మాన్ ఖాన్ టైగర్ 3 విడుదల తేదీ ఖరారు