నయనతార ప్రధాన పాత్రలో మైత్రీ మూవీ మేకర్స్ పాన్ ఇండియా సినిమా !!

టాలీవుడ్‌లో భారీ సినిమాలను నిర్మించే బ్యానర్లలో ఒకటి మైత్రీ మూవీ మేకర్స్(Mythri Movie Makers). ప్రస్తుతం ఈ బ్యానర్ పై ‘పుష్ప 2’ (Pushpa 2) సినిమా రూపొందుతోంది. ఈ సినిమా పూర్తయిన తరువాత మిగతా ప్రాజెక్టులపై ఆలోచన చేయాలని మైత్రీవారు అనుకుంటున్నారు.

‘పుష్ప 2’ సినిమా విడుదల తరువాత, తమిళంలో నయనతార (Nayanthara) ప్రధాన పాత్రలో ఒక సినిమాను నిర్మించి, పాన్ ఇండియా స్థాయిలో విడుదల చేయాలని మైత్రీవారు భావిస్తున్నారు. ఈ కథను నయనతారకు చెప్పగా, ఆమె గ్రీన్ సిగ్నల్ ఇచ్చినట్లు తెలుస్తోంది.

ఈ సినిమా కోసం ఇంతవరకూ నయనతార అందుకోని పారితోషికాన్ని మైత్రీవారు ఆఫర్ చేసినట్లు టాక్ వినిపిస్తోంది. ఈ సినిమా ఏ జోనర్‌కు సంబంధించినది? దర్శకుడు ఎవరు? ఎప్పుడు సెట్స్‌పైకి వెళ్తుంది? అనే ప్రశ్నలకు సమాధానం తెలియాలంటే, ‘పుష్ప 2’ సినిమా విడుదల కావలసిందేనట.