Road Accident : వరంగల్ జిల్లాలో ఘోర రోడ్డు ప్రమాదం జరిగింది. ములుగు హనుమకొండ ప్రధాన రహదారిపై ఆరేపల్లి దర్గా సమీపంలో ఆర్టీసీ బస్సు, లారీ ఎదురెదురుగా ఢీకొన్నాయి. ఈ ఘటనలో లారీ బస్సులో సగం చొచ్చుకుపోయింది. ఈ ప్రమాదంలో బస్సులో ప్రయాణిస్తున్న పలువురికి తీవ్ర గాయాలయ్యాయి. బస్సు డ్రైవర్ క్యాబిన్‌లో ఇరుక్కుపోయాడు. తీవ్రంగా గాయపడిన క్షతగాత్రులు కాపాడాలంటూ కేకలు వేశారు. దీంతో ఆ ప్రాంతంలో భయానక పరిస్థితి నెలకొంది.
స్థానికులు, పోలీసులు గాయపడిన వారిని బస్సులో నుండి బయటకు తీసుకు వచ్చారు. అనంతరం వారిని సమీప ఆసుపత్రికి తరలించి చికిత్స అందించారు. చికిత్స కొనసాగుతుండగా.. ఎవరికీ ప్రాణాపాయం లేదని వైద్యులు తెలిపారు. ఈ ప్రమాదంతో ప్రధాన రహదారిపై భారీగా ట్రాఫిక్ జామ్ అయింది. దాదాపు రెండు కిలోమీటర్ల మేర వాహనాలు నిలిచిపోయాయి. పోలీసులు సంఘటనా స్థలానికి చేరుకుని ట్రాఫిక్‌ను క్రమబద్ధీకరించారు.
మహబూబాబాద్ జిల్లాలో మరో ఘోర రోడ్డు ప్రమాదం జరిగింది. మహబూబాబాద్ శివారు మున్నేరు వాగు సమీపంలో కారు అదుపు తప్పి బోల్తా పడింది. ఈ ఘటనలో ఒకరు మృతి చెందారు. మరొకరు తీవ్రంగా గాయపడి ఆసుపత్రికి తరలించారు. కారు వరంగల్ నుంచి మహబూబాబాద్ వస్తుండగా ప్రమాదం జరిగింది. కుక్క అడ్డు రావడంతో కారు డ్రైవర్ అకస్మాత్తుగా స్టీరింగ్ తిప్పడంతో కారు అదుపుతప్పి పల్టీలు కొట్టిందని ప్రత్యక్ష సాక్షులు వెల్లడించారు.
also see :
Kajal Agarwal Latest instagram Photo Gallery Collection 2023
Hot Actress aanchal munjal Latest Photos 03.07.2023
Prabhas : రాముడు గా ఓకే.. విష్ణువు గా కూడానా ? ‘ప్రాజెక్ట్ కే’ మూవీ అప్డేట్ లో నిజమెంత?