WPL Final 2024 : రాయల్ ఛాలెంజర్స్ బెంగళూరు (ఆర్సీబీ) ఉమెన్స్ టీమ్ డబ్ల్యూపీఎల్ టైటిల్ గెలిచిన సందర్భంగా ఆ జట్టు కెప్టెన్ స్మృతి మంధానకు ఆర్సీబీ మాజీ కెప్టెన్, టీమిండియా స్టార్ క్రికెటర్ విరాట్ కోహ్లీ వీడియో కాల్ చేసి అభినందనలు తెలిపారు. ఈ వీడియో, ఫోటోలు సోషల్ మీడియాలో వైరల్‌గా మారాయి.
కోహ్లీ ఇన్‌స్టాగ్రామ్‌లో స్పందిస్తూ ఆర్సీబీ ఉమెన్స్ జట్టును “సూపర్ వుమెన్స్” అని ప్రశంసించారు. ఐపీఎల్ 2008లో ఆరంభమైనప్పటి నుండి ఆర్సీబీ పురుషుల జట్టు ఒక్కసారి కూడా టైటిల్ గెలవలేదు. దీనితో పోల్చినప్పుడు, ఆర్సీబీ ఉమెన్స్ టీమ్ డబ్ల్యూపీఎల్ టైటిల్ గెలవడం చాలా గొప్ప విజయం అని చెప్పవచ్చు.
ఫైనల్ మ్యాచ్‌లో ఢిల్లీ క్యాపిటల్స్‌పై 8 వికెట్ల తేడాతో విజయం సాధించి ఆర్సీబీ టైటిల్‌ను ఎగరేసుకుపోయింది. స్మృతి మంధాన (31), సోఫి (32), ఎల్లీస్ పెర్రీ (35 నాటౌట్) ఆర్సీబీ గెలుపులో కీలక పాత్ర పోషించారు.
ఈ విజయం ఐపీఎల్ టైటిల్ కోసం ఎదురుచూస్తున్న ఆర్సీబీ పురుషుల జట్టుకు స్ఫూర్తినిస్తుందని ఆశిద్దాం.