Viral Video : ఐశ్వర్యరాయ్‌, మాధురీ దీక్షిత్‌ కలిసి నటించిన ఫేమస్‌ పాట అందరికీ గుర్తుండే ఉంటుంది. డోలారే డోలా.. సాంగ్‌లో ఈ ప్రముఖ నటీమణులిద్దరూ తమ డ్యాన్స్‌తో హుషారెత్తిస్తారు. ఈ పాట ఎప్పటికీ ఎవర్‌గ్రీన్‌గా ప్రేక్షకుల మదిలో నిలిచి ఉంటుంది. దేవదాస్‌ మూవీలోని ఈ సాంగ్‌లో మాధురీ దీక్షిత్‌, ఐశ్వర్య రాయ్‌ ఇద్దరూ తన్మయత్వంతో డ్యాన్స్‌ చేస్తారు. ఈ సినిమా వచ్చి రెండు దశాబ్దాలు దాటినా ఏ మాత్రం క్రేజ్‌ తగ్గలేదనడంలో ఆశ్చర్యం లేదు.
ఈ మ్యాజిక్‌ను మళ్లీ రీక్రియేట్‌ చేయాలని ఇప్పుడు ఓ ఇద్దరు ట్రై చేశారు. న్యూయార్క్‌ వీధుల్లో డ్యాన్స్‌తో హోరెత్తించారు. అయితే, ఇది చేసింది ఆడవారు కాదు. ఆర్టిస్టులు అసలే కాదు.. భారత్‌కు చెందిన యూట్యూబర్‌ జైనిల్‌ మెహతా, కెనడాకు చెందిన లెక్స్ వోంగ్‌తో జతకట్టాడు. ఇద్దరూ పురుషులే అయినా చక్కటి డ్యాన్స్‌తో న్యూయార్క్‌ వీధుల్లో ఆకట్టుకున్నారు.
ప్రస్తుతం ఈ వీడియో సోషల్‌ మీడియాలో వైరల్‌గా మారింది. లెంహగాలు ధరించి అచ్చం మాధురీ దీక్షిత్‌, ఐశ్వర్యరాయ్‌లను తలపించేలా నృత్యాన్ని ఇరగదీశారంటూ నెటిజన్లు కామెంట్లతో హోరెత్తిస్తున్నారు. కొరియోగ్రఫీ కూడా అదిరిపోయేలా ఉందంటూ కామెంట్లు వెల్లువెత్తుతున్నాయి. ఇండియాలో సాధారణంగానే సోషల్‌ మీడియా హవా ఎక్కువగా నడుస్తోంది. ఈ క్రమంలో చిన్నపాటి వీడియో ఏదైనా బాగుందనిపిస్తే ఇట్టే వైరల్‌ చేసే పనిలో నిమగ్నమవుతారు నెటిజన్లు.
ఈ సాంగ్‌కు సపరేట్‌ ఫ్యాన్‌ బేస్..
న్యూయార్క్‌ వీధుల్లో వీరి డ్యాన్స్‌ను చూసిన నెటిజన్లు తెగ సంబరపడిపోతున్నారు. ఎమోజీలు, కామెంట్‌ సెక్షన్లో క్యాప్షన్లతో నిండిపోతోంది. విదేశంలో భారతీయ సంస్కృతిని చాటిచెప్పారంటూ కొందరు నెటిజన్లు మెచ్చుకుంటున్నారు. దేవదాస్‌ మూవీ ఫేవరెట్‌.. ఈ సాంగ్‌కు ప్రత్యేక ఫ్యాన్‌ బేస్ ఉందని మరికొందరు యూజర్లు కామెంట్లు పెడుతున్నారు. విదేశీయుల నుంచి కూడా ఈ వీడియోకు విశేష ఆదరణ లభిస్తోంది. లవ్‌ ఇట్‌.. వాటే పర్ఫార్మెన్స్‌ యార్‌.. అంటూ ఫారెన్‌ యూజర్లు కామెంట్లు చేస్తున్నారు. రెండు లక్షల 26 వేల మందికిపైగా యూజర్లు లైక్‌ చేశారు. వందలాదిగా కామెంట్లు చేస్తున్నారు.
also read :
తల్లిపాలు ఇచ్చేటప్పుడు తీసుకోవలసిన జాగ్రత్తలు
కొలెస్టరాల్ (CHOLESTEROL) అంటే ఏంటి ? కొలెస్టరాల్ ఎక్కువయితే ఏమవుతుంది?