Balakrishna: జ‌బ‌ర్థ‌స్త్‌తో షోతో మంచి పాపులారిటీ తెచ్చుకొని న‌టుడిగా వెండితెర‌పై కూడా తన అదృష్టాన్ని ప‌రీక్షించుకున్నాడు వేణు. ఆయ‌న ప్రభాస్ మున్నా సినిమాలో టిల్లు క్యారెక్టర్ చేయ‌గా, ఆ పాత్ర‌కి మంచి గుర్తింపు దక్కింది. దాంతో క‌మెడీయ‌న్‌గా ముందుకు సాగాడు. జ‌బ‌ర్ధ‌స్త్‌లో కొన్నాళ్ల‌పాటు అల‌రించిన వేణు ఆ త‌ర్వాత బ‌య‌ట‌కు వ‌చ్చేశాడు. రీసెంట్‌గా ద‌ర్శ‌కుడిగా మారి బలగం వంటి చిత్రంతో సూపర్ డూపర్ హిట్ అందుకున్నాడు. ఈ సినిమాకి ఇప్పుడు ఇంటర్నేషనల్ అవార్డులు కూడా వరిస్తున్నాయి.
బలగం సక్సెస్‌తో వేణుతో సినిమాలు చేసేందుకు పలువురు హీరోలు క్యూ క‌డుతున్నారు. అయితే వేణు నందమూరి బాలయ్యతో తన తదుపరి సినిమా చేయాలని లక్ష్యంగా పెట్టుకున్నట్లు ఫిలిం న‌గ‌ర్ టాక్. ఆయ‌న కోసం ప్ర‌త్యేక క‌థ సిద్ధం చేసిన‌ట్టు కూడా తెలుస్తుంది. అటు మాస్, ఇటు క్లాస్‌ను మిళితం చేసి సున్నితమైన కథను వేణు సిద్దం చేశాడ‌ని, ఈ క‌థ‌ని బాల‌య్య‌కి కూడా వినిపించ‌డంతో గ్రీన్ సిగ్న‌ల్ వ‌చ్చింద‌ని అంటున్నారు. జూన్ 10న బాలయ్య పుట్టిన రోజు సందర్భంగా తదుపరి సినిమాల అనౌన్స్ వ‌స్తుంద‌ని అంద‌రు అనుకుంటుండ‌గా, ఆ రోజు వేణు మూవీపై కూడా ఓ క్లారిటీ అయితే వ‌స్తుంది.