Viral: సాధారణంగా జంతువులు కలిసిమెలిసి సంచరించే సమయంలో ఒక్కోసారి అనుకోకుండా పోట్లాడుకుంటూ ఉంటాయి. ఒక్కోసారి కొన్ని జంతువులు జాతి వైరాన్ని సైతం మరిచి చాలా స్నేహంగా ఉంటాయి. అలాంటి వీడియోలు ఇటీవల నెట్టింట చాలానే వైరల్ అయ్యాయి కూడా.
తాజాగా ఓ కుక్క ఏకంగా పెద్ద పులి చెవిని పట్టుకొని ఓ ఆట ఆడుకుంది. అందుకు సంబంధించిన వీడియో సోషల్‌ మీడియాలో వైరల్‌గా మారింది. అసలు పులిని చూడ‌గానే మిగ‌తా జంతువులు భ‌య‌ప‌డి పారిపోతాయి, దాని గాండ్రిపుల‌కే వ‌ణుకు పుడుతోంది. అలాంటి పులిపైన ఓ కుక్క దాడి చేయడమా అనుకుంటున్నారా.. కానీ అది నిజం.
వీడియోలో ఒకే ద‌గ్గర పులి, సింహం, కుక్క ఉన్నాయి. ఈ మూడు జంతువులు కూడా ఒక‌దానికొక‌టి మంచి స్నేహంతో మెలుగుతున్నాయి. అయితే ఉన్నట్టుండి కుక్క ఏమనుకుందో గాని పులిపై దాడి చేసింది. నువ్వు నాతో వస్తావా.. రావా.. అన్నట్టుగా పులి చెవిని త‌న నోటితో అదిమిప‌ట్టి లాక్కుపోయింది. దాంతో పులి.. ముందు నా చెవి వదులు.. నొప్పి పుడుతుంది… అన్నట్టుగా కుక్కుపై ఎటాక్‌ చేయడం మానేసి అలాగే కూర్చుండి పోయింది.
స్నేహానికి జాతివైరం అడ్డుకాదుగా..
ఇదంతా చూస్తూ పక్కనే ఉన్న సింహం కూడా ఎంజాయ్‌ చేసింది తప్ప కుక్కకు ఎలాంటి హానీ క‌లిగించ‌లేదు. ఈ వీడియో ప్రస్తుతం నెట్టింట తెగ వైరల్ అవుతోంది. ఇన్‌స్టా గ్రామ్‌లో షేర్‌ చేసిన ఈ వీడియోను వేలాదిమంది వీక్షిస్తూ.. లైక్స్‌తో, కామెంట్లతో హోరెత్తిస్తున్నారు. స్నేహమంటే ఇదేరా.. జాతివైరం స్నేహానికి అడ్డు కాదు అంటూ కామెంట్స్ చేస్తున్నారు నెటిజన్స్.
View this post on Instagram