Pawan Kalyan: ప‌వ‌ర్ స్టార్ పవన్ కళ్యాణ్ ప్రస్తుతం సినిమాలు, రాజ‌కీయాల‌తో బిజీగా ఉన్న విష‌యం తెలిసిందే. వకీల్ సాబ్ చిత్రంతో రీఎంట్రీ ఇచ్చిన పవన్ ఆ తర్వాత భీమ్లా నాయక్ సినిమా చేశాడు. ఈ రెండు నిమాలతో బ్లాక్ బస్టర్ హిట్స్ అందుకున్న పవన్ కళ్యాణ్ ప్రస్తుతం ‘హరి హర వీరమల్లు’ అనే సినిమా చేస్తున్నాడు. ..ఈ చిత్రం షూటింగ్ ప్రస్తుతం రామోజీ ఫిలిం సిటీ లో శరవేగంగా జ‌రుగుతున్న‌ట్టు తెలుస్తుంది. దాదాపుగా నెల రోజుల నుండి ఈ షెడ్యూల్ జరుగుతుండ‌గా, అతి త్వ‌ర‌లోనే ఈ సినిమా షూటింగ్ ముగించ‌నున్న‌ట్టు స‌మాచారం. ఇక ఈ సినిమా తర్వాత పవన్ కళ్యాణ్ ఏ చిత్రం చెయ్యబోతున్నాడు అనే దానిపై క్లారిటీ లేదు.
హరీష్ శంకర్ తో చాలా కాలం క్రితమే ఆయన ‘భవదీయుడు భగత్ సింగ్’ అనే చిత్రాన్ని చేయ‌నున్నాడా లేకుంటే స‌ముద్ర‌ఖ‌ని ద‌ర్శ‌క‌త్వంలో రీమేక్ చేయ‌నున్నాడా అని అంద‌రు ఆలోచిస్తున్నారు. మ‌రోవైపు యువ డైరెక్టర్ సుజీత్ తో కూడా ఒక సినిమా గా చెయ్యబోతున్నట్టు టాక్..ఇది ఇలా ఉండగా పవన్ కళ్యాణ్ ఆ మధ్యలో తమిళం లో సూపర్ హిట్ గా నిలిచినా ‘వినోదయ్యా చిత్తం’ అనే రీమేక్ ని చెయ్యబోతున్నట్టు.. పూజ కార్యక్రమాలు కూడా జరిగిపోయినట్టు అధికారిక ప్రకటన అయితే వ‌చ్చింది. ఈ సినిమా కూడా ఇంత వరకు సెట్స్ మీద‌కు వెళ్ల‌లేదు.
అయితే పవన్ రీమేక్స్ పై దృష్టి పెడుతున్న నేప‌థ్యంలో ఫ్యాన్స్ చాలా ఫీల‌వుతున్నారు. పవన్ కళ్యాణ్ కి రీమేక్ ఏ మాత్రం సూట్ అవ్వదు..పైగా రీమేక్ లకు పవన్ కళ్యాణ్ ఫ్యాన్స్ బాగా విసిగెత్తిపోవ‌డంతో ఈ రీమేక్ చిత్రం క్యాన్సిల్ అయితే బాగుండ‌ని అనుకున్నారు. అలానే ఈ ప్రాజెక్ట్‌కి పవన్ నో చెప్పాడ‌ట. సముద్ర ఖని ఇటీవ‌ల పవన్ కళ్యాణ్ ని కలిసి ఫైనల్ న్యారేషన్ ఇచ్చాడట..కథ మీద మాత్రం సంతృప్తిగా లేని పవన్ ఇప్పుడు కుదరదు లేండి, ఇంకెప్పుడైనా చేద్దాం అని చెప్పాడ‌ట. దీంతో పవన్ సినిమాతో తెలుగులో త‌న క్రేజ్ పెంచుకుందామ‌నుకున్న సముద్ర ఖని ఆశ‌లు అన్ని ఆవిరి అయ్యాయి.
also read news:
Sanju Samson: ఆ క్రికెట‌ర్‌నే బ‌లి ప‌శువుని చేస్తున్నారా.. ఆట ఆడ‌కున్నా మ‌నసులు గెలుచుకున్న సంజూ
ఉపవాసం వల్ల ఆరోగ్యానికి కలిగే 12 అద్భుత ప్రయోజనాలు