Citadel : టాలీవుడ్ స్టార్ నటి సమంత వరుస సినిమాలతో తన సత్తా చాటుతోంది. తెలుగులో ‘ఖుషి పాటు పలు చిత్రాల్లో నటించిన ఈ భామ బాలీవుడ్ లోనూ సందడి చేస్తోంది. అక్కడ వరుస ప్రాజెక్టులతో బిజీగా ఉంది . ఇందులో భాగంగానే సామ్ ప్రస్తుతం ‘సిటాడెల్’ అనే హిందీ వెబ్ సిరీస్ లో నటిస్తున్న సంగతి తెలిసిందే.
రాజ్ మరియు డికె నిర్మిస్తున్న వెబ్ సిరీస్ ‘సిటాడెల్’లో సమంతా రూత్ ప్రభు మరియు వరుణ్ ధావన్ ప్రధాన పాత్రలు పోషిస్తున్నారు. ప్రస్తుతం షూటింగ్ శరవేగంగా జరుగుతోంది. ఇదిలా ఉంటే, ప్రియాంక చోప్రా నటించిన ‘సిటాడెల్’ వెబ్ సిరీస్ యొక్క ఇంగ్లీష్ వెర్షన్ ఏప్రిల్ 28 నుండి స్ట్రీమింగ్ అవుతోంది. కొన్ని ఎపిసోడ్‌లు ఇప్పటికే అందుబాటులో ఉన్నాయి.
ప్రియాంక చోప్రా ప్రధాన పాత్రలో నటిస్తున్న వెబ్ సిరీస్ ‘సిటాడెల్’ ఐదో ఎపిసోడ్ స్ట్రీమింగ్ తర్వాత ఓ ఆసక్తికరమైన అంశం వెలుగులోకి వచ్చింది. ఇందులో పీసీ డాడ్ అంటూ వరుణ్ ధావన్ వాయిస్ వినిపిస్తోంది. దీని ద్వారా ప్రియాంక చోప్రాకి తండ్రి అవుతాడనే వార్త కూడా హిందీ వెబ్ సిరీస్ లింక్ తో వైరల్ అవుతోంది.
ఈ క్రమంలో బాలీవుడ్ సర్కిల్స్‌లో ఓ కొత్త విషయం ప్రచారంలోకి వస్తోంది. దీని ప్రకారం.. హిందీ ‘సిటాడెల్’.. ఇంగ్లీష్ ‘సిటాడెల్’ సిరీస్‌కి ప్రీక్వెల్‌గా రానుంది. అలాగే, సమంత, వరుణ్ ధావన్‌లు ప్రియాంక తల్లిదండ్రులుగా కనిపిస్తున్నారని చర్చించుకుంటున్నారు . ఇంగ్లిష్ సిరీస్ చివరి ఎపిసోడ్‌లో ఈ విషయాన్ని వెల్లడించనున్నట్లు సమాచారం.
‘సిటాడెల్’ వెబ్ సిరీస్ హిందీ వెర్షన్ గురించి మరింత సమాచారం కూడా వెల్లడైంది. 1990ల నాటి కథతో వచ్చే అవకాశం ఉందని తెలిసింది. సమంత, వరుణ్ ధావన్ అప్పటి తరం జంటగా కనిపిస్తారని అంటున్నారు. అయితే ఈ రెండు సిరీస్‌ల మధ్య ఉన్న అనుబంధాన్ని బట్టి హిందీ వెర్షన్‌పై ఊహాగానాలు వచ్చాయి.
read more news :
Samantha: నాగ చైత‌న్య జ్ఞాపకాల‌ని చెరుపుకోలేక‌పోతున్న సమంత.. ఆ గుర్తు అలాగే ఉందిగా..!
Priyanka Chopra: నా లో దుస్తులు ఆ డైరెక్ట‌ర్ చూడాల‌ని అనుకున్నాడు