Project K: బాహుబ‌లి సినిమాతో పాన్ ఇండియా స్టార్‌గా మారిన ప్ర‌భాస్ ప్ర‌స్తుతం వ‌రుస పెట్టి సినిమాలు చేస్తున్నాడు. ఇప్పుడు ఆయ‌న చేస్తున్న సినిమాలు క్యూ క‌ట్ట‌బోతున్నాయి. ఇందులో భాగంగా ప్ర‌భాస్ ప్రాజెక్ట్ కె అనే భారీ బడ్జెట్ చిత్రం కూడా చేస్తున్నాడు. దీపికా పదుకొనె హీరోయిన్ గా నాగ అశ్విన్ దర్శకత్వంలో తెరకెక్కుతున్న భారీ సైన్స్ ఫిక్షన్ జానర్ మూవీ ప్రాజక్ట్ కె. వైజయంతి మూవీస్ సంస్థ నుండి 50వ మూవీగా గ్రాండ్ లెవెల్లో రూపొందుతుంది. ఇందులో బాలీవుడ్ మెగాస్టార్ అమితాబ్ బచ్చన్ కీలక పాత్ర పోషిస్తుండ‌గా, సంతోష్ నారాయణన్ సంగీతం అందిస్తున్నారు.
ప్రాజక్ట్ కె మూవీని 2024 సంక్రాంతి కానుకగా జనవరి 12న విడుదల చేయనున్నట్లు ఇటీవల మేకర్స్ అఫీషియ‌ల్‌గా ప్రకటించారు. అయితే ఈ ప్రతిష్టాత్మక మూవీకి సంబంధించి ఒక క్రేజీ న్యూస్ ఇప్పుడు టాలీవుడ్ లో బజ్ గా తెగ ప్రచారం అవుతోంది. ఆ న్యూట్ ఏంటంటే.. 2013 లో హాలీవుడ్ లో రూపొంది మంచి సక్సెస్ అందుకున్న ఎలీసియం మూవీ ఆధారంగా ప్రాజక్ట్ కె తెరకెక్కుతోందని చెప్పుకొస్తున్నారు.. పేదల న్యాయమైన డిమాండ్ల నుండి ప్రత్యేకాధికారులు తమను తాము రక్షించుకోకోవడం మనుగడ సాగించడం కోసం చేసే ప్రయత్నం అనే అంశంతో ఈ చిత్రాన్ని నీల్ బ్లామ్ క్యాంప్ తెర‌కెక్కించారు. మ‌రి ఈ సినిమా ఆధారంగా ప్రాజెక్ట్ తెర‌కెక్కుతుంద‌నే ప్ర‌చారంపై క్లారిటీ రావ‌ల‌సి ఉంది.