గత వారం వాలెంటైన్స్ వీక్ సందర్భంగా రిలీజ్ అయిన పాత సినిమాలు మంచి విజయాన్ని సాధించాయి. ఈ ట్రెండ్ కొనసాగుతూ, మరో సూపర్ హిట్ ప్రేమకథ చిత్రం ‘నువ్వొస్తానంటే నేనొద్దంటానా’ (Nuvvostanante Nenoddantana) మళ్లీ థియేటర్లలో ప్రేక్షకులను అలరించడానికి సిద్ధమైంది.
2005లో విడుదలైన ఈ చిత్రం సిద్ధార్థ్, త్రిష జంటగా నటించిన ఐకానిక్ లవ్ స్టోరీ. రొమాంటిక్/కామెడీ ఎంటర్టైనర్‌గా తెరకెక్కిన ఈ చిత్రానికి ప్రభుదేవా దర్శకత్వం వహించారు. NRI సంతోష్ (సిద్ధార్థ్) తన కజిన్ పెళ్లికి భారతదేశానికి వచ్చి, సిరి (త్రిష) అనే పల్లెటూరి అమ్మాయిని కలుస్తాడు. వారిద్దరి మధ్య ప్రేమ చిగురిస్తుంది. అయితే సిరి పల్లెటూరి అమ్మాయి కావడంతో సంతోష్ తల్లిదండ్రులు ఈ ప్రేమకు అంగీకరించరు. తన ప్రేమను నిరూపించుకోవడానికి సంతోష్ ఎన్నో సవాళ్లను ఎదుర్కోవాల్సి ఉంటుంది. చివరికి అతను సిరిని పెళ్లి చేసుకోగలుగుతాడా? అనేది కథాంశం.
శ్రీహరి, సునీల్, అర్చన శాస్త్రి ఈ సినిమా లో కీలక పాత్రలు పోషించారు. ‘మైనే ప్యార్ కియా’ చిత్రం నుండి ప్రేరణ పొంది తెరకెక్కిన ‘నువ్వొస్తానంటే నేనొద్దంటానా’ అప్పట్లో బ్లాక్ బస్టర్ హిట్‌గా నిలిచింది. ఈ చిత్రంలోని పాటలు ఇప్పటికీ ప్రేక్షకాదరణ పొందుతున్నాయి.
సినిమా చూసేందుకు ఎదురుచూస్తున్న ఫ్యాన్స్ కోసం, ‘నువ్వొస్తానంటే నేనొద్దంటానా’ చిత్రాన్ని ఫిబ్రవరి 17, 18 తేదీల్లో మళ్లీ రిలీజ్ చేయనున్నట్లు మేకర్స్ ప్రకటించారు. ఈ రిలీజ్ ద్వారా మరోసారి ప్రేక్షకులను అలరించడమే కాకుండా, బాక్సాఫీస్ వద్ద మంచి వసూళ్లు రాబట్టాలని ఆశిస్తున్నారు.
#NuvvostananteNenoddantana SPECIAL SHOWS 17th Feb & 18th Feb❤️
Bookings open now 🎟️
Re-release by Kwity Entertainments#siddarth @trishtrashers #msraju #devisriprasad #kwityentertainments #nattikaruna pic.twitter.com/GM3X0RPrlW
— Natti kumar (@Nattikumar7) February 15, 2024