NTR30 :ఆర్ఆర్ఆర్ సినిమా త‌ర్వాత యంగ్ టైగ‌ర్ ఎన్టీఆర్ న‌టిస్తున్న చిత్రం కొర‌టాల శివ ద‌ర్శ‌క‌త్వంలో రూపొందుతున్న విష‌యం తెలిసిందే. ఇటీవల ఇది ప్రారంభం కాగా, హైదరాబాద్‌లో వేసిన భారీ సెట్‌లో ప్ర‌స్తుతం సినిమా షూటింగ్ జరుగుతుంది. ఇక చిత్రంలో క‌థానాయిక‌గా జాన్వీ కపూర్ నటిస్తుంది.
కోస్టల్‌ ఏరియాలోని ఓ ఐలాండ్‌ బ్యాక్‌ డ్రాప్‌లో సాగే కథతో ఈ సినిమాని తెర‌కెక్కిస్తున్నాడు కొర‌టాల. ఇప్ప‌టికే చిత్ర షూటింగ్‌లో జాయిన్ అయ్యాడు ఎన్టీఆర్. మూవీ షూటింగ్ శ‌ర‌వేగంగా సాగుతుండ‌గా, చిత్రానికి సంబంధించిన ఆస‌క్తిక‌ర అప్డేట్ ఒక‌టి నెట్టింట హ‌ల్‌చ‌ల్ చేస్తుంది. ఈ సినిమాలో ఎన్టీఆర్ డబుల్ రోల్ చేయబోతున్నారనే వార్త ఇప్పుడు సోషల్ మీడియాలో తెగ హ‌ల్‌చ‌ల్ చేస్తుంది.
NTR: ఎన్టీఆర్ కోసం ప్రాణాలైన తీస్తానంటూ క‌మెడీయ‌న్ సంచలన కామెంట్స్
గతంలో డబుల్ రోల్, త్రిబుల్‌ రోల్ ఎన్టీఆర్ చేసిన విష‌యం తెలిసిందే. `ఆంధ్రావాలా`, `అదుర్స్` చిత్రాల్లో ద్విపాత్రాభినయం చేయ‌గా, `జై లవ కుశ`లో ఏకంగా త్రిబుల్‌ రోల్ చేసి అద‌ర‌హో అనిపించారు. మ‌రి ఇప్పుడు `ఎన్టీఆర్30`లోనూ తారక్‌ ద్విపాత్రాభినయం చేయబోతున్నారని వార్త‌లు వ‌స్తుండ‌గా, ఇందులో నిజమెంత ఉంద‌నేది చూడాల్సి ఉంది.