లైగర్ (liger) సినిమా ప్రమోషన్స్ ని గ్రాండ్ గా మూవీ టీమ్ నిర్వహిస్తోంది. పాన్ ఇండియా స్కేల్‌లో తెరకెక్కిన ఈ సినిమాను జనాల్లోకి తీసుకెళ్లేందుకు టీమ్ అన్ని మార్గాలను ఉపయోగిస్తోంది. తాజాగా హీరో విజయ్ దేవరకొండ (vijay deverakonda), దర్శకుడు పూరీ జగన్నాథ్ , నిర్మాత ఛార్మిలు మెగాస్టార్ నటిస్తున్న గాడ్ ఫాదర్ మూవీ సెట్స్‌కి వెళ్లారు. గాడ్ ఫాదర్ (God Father) సినిమాలో సల్మాన్ ఖాన్ (salman khan) కీలక పాత్రలో నటిస్తున్న సంగతి తెలిసిందే. అలాగే చిరంజీవి, సల్మాన్ కాంబినేషన్‌లో ఓ పాటను చిత్రీకరిస్తున్నారు. దీంతో లైగర్ టీమ్ గాడ్ ఫాదర్ సెట్స్ కి వెళ్లి ఇద్దరు స్టార్స్ ని కలిశారు.
లైగర్ చిత్రానికి సల్మాన్ మరియు చిరంజీవి శుభాకాంక్షలు తెలియజేసారు. సినిమా మంచి విజయం సాధించాలని ఆకాంక్షించారు. విజయ్ దేవరకొండ, ఛార్మి, పూరీ జగన్నాథ్ లు సల్మాన్, చిరంజీవిలతో కలిసి ఫోటోలకు ఫోజులిచ్చారు. ఇప్పుడు ఈ ఫోటో వైరల్‌గా మారింది. లైగర్ ఆగస్టు 25న ప్రపంచవ్యాప్తంగా విడుదల కానుంది. విజయ్ దేవరకొండ లైగర్ సినిమాలో ప్రొఫెషనల్ ఫైటర్‌గా నటిస్తున్నాడు. అతనికి జోడీగా అనన్య పాండే నటిస్తోంది.
విడుదలైన లైగర్ ట్రైలర్ అంచనాలను పెంచింది. పాన్ ఇండియా మూవీగా ఐదు భాషల్లో విడుదల కానున్న ఈ సినిమా ప్రీ రిలీజ్ బిజినెస్ భారీ స్థాయిలో జరిగింది. రమ్యకృష్ణ, మైక్ టైసన్ కీలక పాత్రలు పోషిస్తున్నారు. పూరి కనెక్ట్స్ మరియు ధర్మ ప్రొడక్షన్స్ సంయుక్తంగా నిర్మించాయి.
మరిన్ని సినిమా వార్తలు చదవండి
హీరో రామ్ తో బోయపాటి శ్రీను అడ్వెంచర్ థ్రిల్లర్..లేటెస్ట్ అప్‌డేట్!
Koffee With Karan : చివరిసారిగా శృంగారంలో ఎప్పుడు పాల్గొన్నావ్..విజయ్ దేవరకొండ షాకింగ్ ఆన్సర్..
అతన్ని పూర్తిగా అర్థం చేసుకున్నా అందుకే..విజయ్ దేవరకొండ పై సమంత కామెంట్స్