Jamuna: తెలుగింటి స‌త్య‌భామ సీనియర్ నటి జమున (86) శుక్రవారం ఉదయం అనారోగ్యంతో తుది శ్వాస విడిచిన విషయం మనకు తెలిసిందే. దాదాపు 180 చిత్రాల్లో నటించిన జమున గత కొన్ని సంవత్సరాలుగా సినిమాలకు దూరంగా ఉంటున్నారు. అయితే వయోభారవల్ల శుక్రవారం హైదరాబాద్ లోని తన స్వగృహంలో తుదిశ్వాస విడిచారు. ఇక అభిమానుల సందర్శనార్థం ఫిలిం ఛాంబర్ కు జమున పార్థివ దేహాన్ని తరలించారు.
అనంతరం సాయంత్ర 5 గంటలకు మహాప్రస్థానంలో అంత్యక్రియలు నిర్వహించారు. జమున కుమారుడు విదేశాల్లో నుంచి రావడానికి వీలుకాకపోవడంతో కుమార్తె స్రవంతి రావు అన్నీతానై అంత్యక్రియలు పూర్తి చేసింది.క‌న్నీటిని దిగమింగుకుని తల్లి చితికి నిప్పుపెట్టింది కూతురు స్రవంతి.
ఎన్టీఆర్, ఏఎన్నార్ లాంటి దిగ్గజాల సరసన నటించి మంచి గుర్తింపు తెచ్చుకుంది జమున. మిస్సమ్మ, ఇల్లరికం, లేతమనసులు, గుండమ్మ కథ లాంటి ఎన్నో గొప్ప చిత్రాల్లో నటించినప్పటికీ జమునకు పేరు తెచ్చిన చిత్రం శ్రీకృష్ణ తులాభారమే. ఈ చిత్రంలో సత్యభామగా నటించిన జమునకు ప్రశంసలు దక్కాయి. ఇక సినిమాల నుంచి విరామం తీసుకున్న తర్వాత ఇంటికే పరిమితం అయ్యారు జమున.
also read :
ఈ జ్యూసులు తాగి బరువు తగ్గిపోండి.. వేగంగా మార్పు గమనిస్తారు!