Bigg Boss7: బుల్లితెర ప్రేక్ష‌కుల‌ని అలరిస్తున్న బిగ్ రియాలిటీ షో బిగ్ బాస్. తెలుగులో కూడా ఈ షో మంచి రేటింగ్‌తో దూసుకుపోతుంది. ఆరు సీజన్స్ విజయవంతంగా పూర్తి చేసు కోగా, గ‌త 5 సీజన్స్ వరకు అయితే ఒక దానిని మించి ఒకటి అన్న‌ట్టుగా సాగింది. ఆరో సీజన్ మాత్రం బెడిసి కొట్టింది. ఆ సీజన్ లో సరైన కంటెస్టెంట్స్ ని ఎంచుకోకపోవడం వల్లే ఇలాంటి ఫలితం వచ్చిందని చెప్పుకొచ్చారు. అయితే సీజన్ 6 ఫ్లాప్ అయింది కాబ‌ట్టి సీజన్ 7 ఉండ‌ద‌ని అందరు అనుకుంటున్నారు. ఇప్ప‌టి వరకు దానికి సంబంధించి ఎలాంటి న్యూస్ రాలేదు, అందులోను అన్నపూర్ణ స్టూడియోస్ లో కూడా సెట్ వర్క్ కి సంబంధించిన ప‌నులు మొద‌లు కాలేదు.
బిగ్ బాస్ సీజన్ 7 ఉండ‌ద‌ని అందరు అనుకుంటున్న స‌మ‌యంలో బిగ్ బాస్ ప్రేక్ష‌కుల‌కి గుడ్ న్యూస్ వ‌చ్చింది. సెప్టెంబర్ 10 వ తారీఖు నుండి ఈ సీజన్ ప్రారంభం కానుంది అని ఇన్‌సైడ్ టాక్. అయితే ఈ సీజన్ కి మాత్రం అక్కినేని నాగార్జున వ్యాఖ్యాతగా వ్యవహరించ‌డ‌ని తెలుస్తుంది. అన్‌స్టాప‌బుల్‌తో హోస్ట్‌గా అద‌ర‌గొట్టిన బాలయ్య బాబు సీజన్ 7కి హోస్ట్‌గా ఉంటార‌ని స‌మాచారం. మ‌రి కొద్ది రోజుల‌లోనే దీనిపై ఓ క్లారిటీ రానుంది.