Nani : ప్రస్తుతం న్యాచురల్ స్టార్ నాని ‘హాయ్ నాన్న’ సినిమాలో నటిస్తున్నాడు. ఈ సినిమా షూటింగ్ చివరి దశకు చేరుకుంది. ఆ తర్వాత దర్శకుడు వివేక్ ఆత్రేయతో మరో సినిమా చేయనున్నాడు. డివివి దానయ్య ఈ చిత్రానికి నిర్మాతగా వ్యవహరిస్తున్నారు. అయితే ఈ సినిమా క‌థ విషయంలో నాని కాస్త అయోమ‌యంలో ఉన్నాడని అంటున్నారు.
‘బ్రోచేవారెవరురా’, ‘అంటే సుందరానికి’ లాంటి సినిమాలు తీసిన వివేక్ ఆత్రేయ ఈసారి యాక్షన్ డ్రామాకి తగ్గ కథను నానికి చెప్పి ఒప్పించారు. ఈ సినిమా స్క్రిప్ట్‌పై ఇంకా చర్చ జరుగుతోంది. సెకండాఫ్ విషయంలో వివేక్ ఆత్రేయ నానిని పూర్తిగా ఒప్పించలేదని టాక్. గతంలో నాని “వి” లాంటి యాక్షన్ సినిమాలు చేసినప్పుడు సెకండాఫ్ లో పొరపాట్లు దొర్లాయి. అలాగే గతంలో ఇదే దర్శకుడు నానితో చేసిన “అంటే సుందరానికి” సెకండాఫ్ బోర్ కొట్టించింది.
ఈ విషయాలను పరిగణలోకి తీసుకుని పూర్తిగా కన్విన్స్ కాని అదే స్క్రిప్ట్ తో సెట్స్ పైకి వెళ్లాలా లేక దర్శకుడికి ఎక్కువ సమయం ఇచ్చి సెకండాఫ్ మొత్తం తిరగరాయాలా అనే నిర్ణయం తీసుకోలేకపోతున్నారని సమాచారం.
నాని కథను, దర్శకుడిని నమ్మితే పూర్తిగా సపోర్ట్‌ చేస్తాడు. ఇటీవలే నాని కొత్త దర్శకుడు “దసరా” తో భారీ హిట్ అందుకున్నాడు. ఇదే జోరును కొనసాగించేందుకు నాని మరికొంత జాగ్రత్తలు తీసుకోవాలి. అందుకే, నానికి ఈ కన్ఫ్యూషన్.
also read :
Anasuya Latest Glamourous photos from USA | అమెరికాలో అనసూయ
Baby Movie : కేవలం 10 రోజులలో 66.60 కోట్ల వసూలు.. బాక్సాఫీస్ వద్ద బేబీ రికార్డులు..