today weather report : తెలంగాణ రాష్ట్రంలో మంగళవారం నుంచి గురువారం వరకు తేలికపాటి నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది.
చాలా ప్రాంతాలలో ఉరుములు మరియు మెరుపులతో కూడిన విస్తారమైన వర్షం కురిసే సూచన ఉంది. ఆగ్నేయ బంగాళాఖాతంలో దాని పరిసరాల్లో సగటు సముద్ర మట్టానికి 3.1 నుండి 5.8 కి.మీల మధ్య నైరుతి ప్రసరణ కొనసాగుతుందని వివరించబడింది.
దీంతో వర్షాలు కురిసే అవకాశం ఉందని, ప్రజలు అప్రమత్తంగా ఉండాలని సూచించారు. మెదక్, కామారెడ్డి, హైదరాబాద్, మేడ్చల్ మల్కాజిగిరి, మహబూబ్ నగర్, ఆదిలాబాద్, కుమ్రం భీం ఆసిఫాబాద్, వికారాబాద్, సంగారెడ్డి, రాజన్న సిరిసిల్ల, సిద్దిపేట, రంగారెడ్డి జిల్లాల్లో బుధవారం తేలికపాటి నుంచి భారీ వర్షాలు కురిసే అవకాశం ఉంది.
గురువారం వరంగల్, హన్మకొండ, జనగామ, సిద్దిపేట, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్, యాదాద్రి భువనగిరి జిల్లాల్లో అక్కడక్కడా వర్షాలు కురిసే అవకాశం ఉంది.
గడిచిన 24 గంటల్లో అత్యధిక వర్షపాతం వికారాబాద్ జిల్లాలో 163.3 మి.మీ గా నమోదైంది. తెలంగాణ స్టేట్ డెవలప్‌మెంట్ ప్లానింగ్ సొసైటీ సమాచారం ప్రకారం హైదరాబాద్‌లోని జూబ్లీహిల్స్‌లో అత్యధికంగా 28.5 మిల్లీమీటర్ల వర్షపాతం నమోదైంది.
మరోవైపు ఆంధ్రప్రదేశ్‌లో మూడు రోజుల పాటు వర్షాలు కురిసే అవకాశం ఉందని వాతావరణ శాఖ తెలిపింది. ఏపీ, యానాం మీదుగా వాయువ్య దిశలో గాలులు వీస్తున్నాయని అమరావతి వాతావరణ కేంద్రం వెల్లడించింది.
read more :
horoscope today in telugu : 05-07-2023 ఈ రోజు రాశి ఫలాలు
Breaking News : విడాకులు తీసుకున్న నిహారిక – చైతన్య.. అధికారికంగా విడిపోయారు