Drugs Case : టాలీవుడ్‌లో డ్రగ్స్ కేసు మరోసారి చర్చనీయాంశంగా మారింది. నిర్మాత కేపీ చౌదరి ఇటీవల డ్రగ్స్‌తో పట్టుబడ్డాడు. కోర్టు అనుమతితో పోలీసులు నిందితుడిని అదుపులోకి తీసుకుని లోతుగా విచారించారు. కేపీ చౌదరి ఫోన్ కాల్ లిస్ట్‌లో చాలా మంది ప్రముఖుల పేర్లు ఉన్నాయి. ఆశురెడ్డితో పాటు సురేఖావాణి పేరు కూడా ఉంది. దీంతో కేపీ చౌదరిని అరెస్ట్ చేయడంతో టాలీవుడ్‌లో కొందరు షాక్‌కు గురయ్యారు. ఏ క్షణం ఏం జరుగుతుందోనన్న టెన్షన్ మొదలైంది.
తాజాగా రిమాండ్ రిపోర్టులో పేర్కొన్న 12 మందిని పోలీసులు నోటీసులు జారీ చేసి విచారించేందుకు సిద్ధమవుతున్నట్లు సమాచారం. వేర్వేరు ప్రాంతాలకు చెందిన చింతా సాయి ప్రసన్న, చింతా రాకేష్‌ రోషన్, బెజవాడ భరత్, వందనాల అనురూప, నల్లా రతన్‌ రెడ్డి, ఠాగోర్‌ ప్రసాద్‌ మోటూరి, రఘు తేజ, శవన్‌ రెడ్డి, సుశాంత్, నితినేష్‌, సనా మిశ్రా, శ్వేత లకు కేపీ చౌదరి డ్రగ్స్ విక్రయించినట్లు పోలీసులు కస్టడీ నివేదికలో పేర్కొన్నారు.
అవన్నీ ఫేక్ న్యూస్ : ఆశురెడ్డి
తనపై అసత్య ప్రచారం చేస్తున్నారని ఆశురెడ్డి ఫైర్ అయ్యారు. డ్రగ్స్ కేసులో తనపై వచ్చిన ఆరోపణల్లో వాస్తవం లేదని ఆమె అన్నారు. మీడియాలో చెప్పినట్లుగా తనకు ఎవరితోనూ డ్రగ్స్ సంబంధాలు లేవని చెప్పింది. అవన్నీ ఫేక్ న్యూస్ అని కొట్టిపారేసింది. అవసరమైతే విచారణ ఎదుర్కొని నిజానిజాలను సంబంధిత అధికారులకు తెలియజేస్తామని ఆమె తెలిపారు. అయితే అనుమతి లేకుండా తన ఫోన్ నంబర్‌ను బహిరంగంగా ప్రదర్శించడాన్ని సహించబోమని హెచ్చరించింది.
View this post on Instagram
ఎలాంటి విచారణకైనా సిద్ధం : జ్యోతి
డ్రగ్స్ కేసులో అరెస్టయిన తెలుగు నిర్మాత కేపీ చౌదరితో ఫోన్ కాల్స్ ఘటనపై నటి జ్యోతి స్పందించారు. ఈ డ్రగ్స్ కేసులో తనకు సంబంధం లేదంటూ ఇన్‌స్టాగ్రామ్‌లో ఓ వీడియో పోస్ట్ చేసింది. కేపీ చౌదరితో తనకు స్నేహం మాత్రమే ఉందని, కుటుంబ బంధం తప్ప డ్రగ్స్ తో తనకు ఎలాంటి సంబంధం లేదన్నారు. ఎలాంటి విచారణకైనా తాను సిద్ధమని స్పష్టం చేశారు. తన ఫోన్ పోలీసులకు ఇచ్చేందుకు కూడా సిద్ధమేనని జ్యోతి స్పష్టం చేసింది.
తానెప్పుడూ డ్రగ్స్ వాడలేదని, అవసరమైతే నార్కోటిక్ టెస్టుకు సిద్ధమని చెప్పారు. తాను ఎలాంటి తప్పు చేయలేదని, ఎవరూ భయపడాల్సిన అవసరం లేదని అన్నారు. కెపి హైదరాబాద్ వచ్చినప్పుడు తమ అబ్బాయిని ఇంట్లో దించేవాడని, కొడుకు, కెపి కొడుకు కలిసి ఆడుకునేవాడని జ్యోతి చెప్పింది. కుటుంబ బంధం తప్ప కేపీతో తనకు ఎలాంటి సంబంధాలు లేవని అన్నారు. ఇక నుంచి తనపై దుష్ప్రచారం చేయవద్దని జ్యోతి కోరారు.
View this post on Instagram
దయచేసి అర్థం చేసుకోండి : సురేఖావాణి
ఈ జాబితాలో ప్రముఖ నటి సురేఖావాణిపై ఆరోపణలు వచ్చాయి. ఆమె డ్రగ్స్ తీసుకున్నట్లు పుకార్లు వచ్చాయి. ఇప్పుడు వీటిపై ఆమె స్వయంగా స్పందించింది. ఈ డ్రగ్స్ కేసులో సురేఖావాణి పేరు బయటకు వస్తోందా కాదా అని నిర్ధారించుకోకముందే, ఆమె కెపి చౌదరి చెంపపై ముద్దుపెట్టుకున్న పాత ఫోటో ఒకటి బయటకు వచ్చింది.
ఆ రోజు అతను మద్యం లేదా డ్రగ్స్ మత్తులో ఉన్నాడని పలువురు నెటిజన్లు వ్యాఖ్యానించారు. ఇప్పుడు ఈ వార్తలను ఖండిస్తూ సురేఖావాణి మీడియాకు ఓ వీడియో విడుదల చేసింది.
‘కొంతకాలంగా మాపై వస్తున్న ఆరోపణలతో మాకు ఎలాంటి సంబంధం లేదు. దయచేసి మాపై ఆరోపణలు చేయడం ఆపండి. మీరు చేస్తున్న పనుల వల్ల నా కెరీర్, నా పిల్లల కెరీర్, నా కుటుంబం ఆరోగ్యం.. ఇలా అనేక రకాలుగా మేం నష్టపోతున్నాం. దయచేసి అర్థం చేసుకోండి’ అని సురేఖావాణి ఈ వీడియోలో పేర్కొన్నారు.
డ్రగ్స్ కేసులో తనపై వస్తున్న ఆరోపణలపై నటి సురేఖ వాణి స్పందన..!#SurekhaVani #DrugsCase #Tollywood #KPChowdary #NTVENT #NTVTelugu pic.twitter.com/8rNHezjywo
— NTV Telugu (@NtvTeluguLive) June 25, 2023
more news :
Adipurush 9th Day Collections : 9 వ రోజు వసూళ్లతో ఊహించని విధంగా..