yashoda telugu movie teaser : నాగ చైతన్యతో విడాకులు తీసుకున్న తర్వాత సమంత సినిమాల స్పీడ్ పెంచింది. వరుసగా సినిమాలు చేస్తూ రోజులు గడుపుతోంది. ‘ఏమాయ చేసావె’ సినిమాతో ప్రేక్షకులను మెప్పించిన ఈ బ్యూటీ ప్రస్తుతం చేతినిండా ప్రాజెక్టులతో బిజీగా ఉంది. ఇటీవలే ఆమె నటించిన ‘కత్తు వకుల రెండు కాదల్’ చిత్రం విడుదలై మంచి విజయం సాధించింది.
ప్రస్తుతం తెలుగులో మూడు సినిమాల్లో నటిస్తోంది. అందులో ‘యశోద’ ఒకటి. హరీష్ శంకర్, హరీష్ నారాయణ్ దర్శకత్వం వహించిన ఈ సినిమా విడుదలకు సిద్ధంగా ఉంది. ఇప్పటికే ఈ సినిమా నుంచి విడుదలైన గ్లింప్స్ ప్రేక్షకులను ఆకట్టుకున్నాయి.
తాజాగా విడుదలైన yashoda teaser ఆకట్టుకుంది. టీజర్ చూస్తుంటే సమంత ప్రెగ్నెంట్ అని, మొదటి మూడు నెలలు జాగ్రత్తగా ఉండాలని డాక్టర్ చెప్తారు. నడిచేటప్పుడు జాగ్రత్తగా ఉండాలని, బరువులు ఎత్తకూడదని, ఏ పని చేసినా బాధపడకూడదని, ఎప్పుడూ సంతోషంగా నవ్వాలని సలహా ఇస్తుంది. కానీ డాక్టర్ సలహాకు పూర్తి భిన్నంగా సమంతను టీజర్‌లో చూపించారు. అడవిలో వేగంగా పరిగెత్తడం, బరువులు ఎత్తడం, ఎవరితోనైనా గొడవపడడం, దెబ్బలు తింటూ భయపడడం వంటివి చూపించారు. ఇక సమంత నటన మరో స్థాయిలో ఉంటుంది. అంతేకాదు సమంత కెరీర్ లోనే ఛాలెంజింగ్ రోల్ ఇదన్న సంగతి తెలిసిందే. సుకుమార్ కెమెరా విజువల్స్ థ్రిల్లింగ్ ఫీల్ కలిగిస్తాయి. మణిశర్మ బ్యాక్ గ్రౌండ్ స్కోర్ ఆకట్టుకుంది.
ఈ చిత్రంలో వరలక్ష్మి శరత్‌కుమార్, ఉన్ని ముకుందన్ ప్రధాన పాత్రలు పోషిస్తున్నారు. మెలోడీ బ్రహ్మ మణిశర్మ సంగీతం అందిస్తున్న ఈ చిత్రాన్ని శ్రీదేవి మూవీస్ బ్యానర్‌పై శివలెంక కృష్ణ ప్రసాద్ నిర్మిస్తున్నారు. ఈ చిత్రాన్ని తెలుగుతో పాటు హిందీ, తమిళం, కన్నడ, మలయాళం భాషల్లో పాన్-ఇండియన్ స్థాయిలో విడుదల చేసేందుకు చిత్రబృందం ప్లాన్ చేస్తోంది. అయితే ఈ సినిమా ఆగస్ట్ 12న రిలీజ్ కావాల్సి ఉండగా.. అనేక కారణాల వల్ల వాయిదా పడింది.
