Weather Today: కొన్ని రోజులుగా వేసవి తాపానికి జనం తీవ్రంగా ఇబ్బందులు పడుతున్న వేళ.. వాతావరణ శాఖ గుడ్‌ న్యూస్‌ చెప్పింది. దేశ వ్యాప్తంగా హీట్‌ వేవ్స్‌ తగ్గి, కొన్ని ప్రాంతాల్లో వర్షాలు కురుస్తాయని భారత వాతావరణ విభాగం వెల్లడించింది.
తెలంగాణలో మూడు రోజులపాటు ఉరుములు మెరుపులతో కూడిన వర్షాలు కురిసే అవకాశం ఉందని వాతావరణ శాఖ అధికారులు వెల్లడించారు. ఈదురు గాలులు కూడా 30-40 కిలోమీటర్ల తో వీచే ఛాన్స్ ఉందని వివరించారు.
ఉపరితల ద్రోణి కారణంగా వర్షాలు పడతాయని పేర్కొన్నారు. జగిత్యాల, రాజన్న సిరిసిల్ల, కరీంనగర్‌, పెద్దపల్లి, జయశంకర్‌ భూపాలపల్లి, వరంగల్‌, హన్మకొండ, సిద్దిపేట, యాదాద్రి భువనగిరి, రంగారెడ్డి, హైదరాబాద్‌, మేడ్చల్‌, మహబూబ్‌నగర్‌, నాగర్ కర్నూల్, వనపర్తి, నారాయణపేట, జోగులాంబ గద్వాల్ జిల్లాల్లో వర్షాలు కురిసే అవకాశం ఉంది.
నేడు మధ్యాహ్నం నుంచి మాత్రం పొడి వాతావరణం ఉంటుందని తెలిపారు. ఈనెల 29, 30 తేదీల్లో వర్షాలు కురుస్తాయని వాతావరణ శాఖ అంచనా వేసింది. ఇక హైదరాబాద్‌లో ఆకాశం మేఘావృతమై ఉంటుందని, మధ్యాహ్నం, సాయంత్రం వేళలో వర్షాలు పడే అవకాశం ఉందని అధికారులు తదెలిపారు. గరిష్ట, కనిష్ట ఉష్ణోగ్రతలు 38, 26 డిగ్రీలుగా ఉండే అవకాశం ఉంది.
ఇక ఆంధ్రప్రదేశ్‌లో మూడు రోజుల పాటు వర్షాలు పడే చాన్స్‌ ఉందని వాతావరణ శాఖ అంచనా వేసింది. ఉత్తర కోస్తా, యానాంలో తేలికపాటి నుంచి ఓ మోస్తరు వర్షాలు, ఉరుములతో కూడిన జల్లులు కురుస్తాయని అధికారులు తెలిపారు.
Read Also : today horoscope in telugu : 26-05-2023 ఈ రోజు రాశి ఫలాలు