RRR: ద‌ర్శక ధీరుడు ఎస్ఎస్ రాజమౌళి దర్శకత్వంలో ఎన్టీఆర్, రామ్ చరణ్, ఆలియా భట్, అజయ్ దేవగణ్ ప్రధాన తారాగణంగా రూపొందిన చిత్రం ‘ఆర్ ఆర్ ఆర్’ . ఈ సినిమా బాక్సాఫీస్ ద‌గ్గ‌ర ఎంత‌టి సెన్సేష‌న్ క్రియేట్ చేసిందో ప్ర‌త్యేకంగా చెప్ప‌న‌క్క‌ర్లేదు.
ఇక ఈ సినిమాలోని ‘నాటు నాటు’ పాట, ‘బెస్ట్ ఒరిజినల్ సాంగ్’ కేటగిరిలో ‘ఆస్కార్’ అవార్డు కూడా అందుకుంది. ఈ కేటగిరిలో ఆస్కార్ గెలిచిన మొట్టమొదటి భారతీయ సినిమాగా ఆర్ఆర్ఆర్ సరికొత్త రికార్డు క్రియేట్ చేసింది అని చెప్పాలి.
నాటు నాటు పాట‌కి ఆస్కార్ వ‌చ్చిన త‌ర్వాత చాలా మంది ఈ పాట‌ని సెర్చ్ చేసి ఆ పాట‌కి త‌మ‌దైన స్టైల్‌లో చిందులు కూడా వేస్తున్నారు. ఈ క్ర‌మంలోనే విరాట్ కోహ్లీ మైదానంలో నాటు నాటు స్టెప్పులు వేయడంతో తెలుగు సినిమా అభిమానులతో పాటు క్రికెట్ అభిమానులు ఆనందోత్సాహాల్లో మునిగి తేలుతున్నారు.. బోర్డర్ గవాస్కర్ టెస్టు సిరీస్ సమయంలో ఆల్‌రౌండర్ రవీంద్ర జడేజాతో కలిసి షారుక్ ఖాన్ లేటెస్ట్ బ్లాక్ బస్టర్ ‘పఠాన్’ పాటకు చిందులేసిన విరాట్ కోహ్లీ.. తాజాగా వాంఖడే స్టేడియంలో ఆస్ట్రేలియాతో జరిగిన తొలి వ‌న్డేలో ‘నాటు నాటు’ పాట స్టెప్పులు వేసి ఆశ్చర్యపరిచాడు..ఇందుకు సంబంధించిన వీడియోని చిత్ర బృందం సోష‌ల్ మీడియాలో షేర్ చేసింది.
also read :
Biryani ATM : నోరూరించే వేడి వేడి బిర్యానీ వచ్చేస్తుందిలా.. బిర్యానీ ఏటీఎం విశేషాలు
Ashika Ranganath Latest Photos, Images, Stills 2023