Viral Video : షారుఖ్‌ ఖాన్‌, దీపికా పదుకొనే జంటగా నటించిన పఠాన్‌ చిత్రం దేశ వ్యాప్తంగా రిలీజ్‌ కాక ముందే సెన్సేషన్‌ క్రియేట్‌ చేస్తోన్న సంగతి తెలిసిందే. ముఖ్యంగా ఈ చిత్రంలోని బేషరం రంగ్‌ సాంగ్‌ విడుదలైనప్పటి నుంచి పలు వివాదాలు రేగుతున్నాయి. సాంగ్‌లో దీపికా పదుకొనే వస్త్రాలంకరణ విషయమై పలు విమర్శలు పెద్ద ఎత్తున వచ్చాయి. షారుఖ్‌ ఖాన్‌పై కూడా అనేక విమర్శలు వచ్చాయి. దీంతో కోల్‌కతాలో జరిగిన ఫిల్మ్‌ ఫెస్టివల్‌లో క్రిటిక్స్‌కు షారుఖ్‌ కౌంటర్‌ కూడా ఇచ్చారు.
తాజాగా ఈ పాటను అనుకరిస్తూ ప్లస్‌ సైజ్‌ బ్యూటీ సోషల్‌ మీడియాలో హల్‌చల్‌ చేస్తోంది. దీపికా పదుకొనే వేసిన స్టెప్పులను యాజ్‌ ఇటీజ్‌ దింపేయాలని ప్రయత్నించింది. ఈ వీడియోను సోషల్‌ మీడియాలో పోస్టు చేయడంతో విపరీతమైన ఆదరణ లభిస్తోంది. భారీగా లైక్‌లు, కామెంట్లు వెల్లువెత్తుతున్నాయి. తన్వీ గీతా రవిశంకర్‌ అనే బొద్దుగుమ్మ.. ఈ పాటకు డ్యాన్స్‌తో ఇరగదీసింది. దీపికా పదుకొనే డ్రెస్‌కు దగ్గర పోలికలున్న కాస్ట్యూమ్‌తో డ్యాన్స్‌ చేసి అలరించింది ఈ అమ్మడు.
2023 సంవత్సరంలోకి అడుగు పెట్టాం.. నచ్చినది చేద్దాం.. ఇష్టమైన దుస్తులు ధరించేద్దాం.. నచ్చినట్లుగా జీవించేద్దాం.. అంటూ తన్వీ గీతా రవిశంకర్‌ క్యాప్షన్‌ ఇచ్చింది. ఈ వీడియోకు ఇన్‌స్టా గ్రామ్‌లో భారీ సంఖ్యలో రెస్పాన్స్‌ వస్తోంది. ఆకారంతో పని లేదని, నచ్చిన విధంగా బతకాలని ఈమె రుజువు చేస్తోందంటూ నెటిజన్లు కామెంట్లతో హోరెత్తిస్తున్నారు.
నీ డ్యాన్స్‌ ఫెంటాస్టిక్‌..
బేషరం రంగ్‌ సాంగ్‌తో యువకుల హృదయాలు కొల్లగొడుతున్నావంటూ తన్వీపై ప్రశంసల వర్షం కురిపిస్తున్నారు. నీ డ్యాన్స్‌ ఆబ్సల్యూట్లీ ఫెంటాస్టిక్‌.. అంటూ ఓ యూజర్‌ కామెంట్‌ చేశారు. డ్యాన్స్‌తో పాటు నీ హుషారు కూడా ఫ్యాబులెస్‌గా ఉందంటూ మరికొందరు కామెంట్లు చేశారు. ఇక పఠాన్‌ చిత్రం ఇటీవలే సెన్సార్‌కు వెళ్లింది. మార్పులు చేయాలంటూ చిత్ర బృందానికి బోర్డు సూచించింది. జనవరి 25న ప్రపంచ వ్యాప్తంగా విడుదల చేసేందుకు చిత్ర బృందం రెడీ అవుతోంది. విడుదలకు ముందే కాంట్రవర్సీలతో హోరెత్తిన ఈ చిత్రం.. ఏ మేరకు విజయం సాధిస్తుందోనని అందరూ ఉత్కంఠగా ఎదురు చూస్తున్నారు.
also read :
amazon : మరో సారి ఉద్యోగాల్లో కోతకు అమెజాన్ రంగం సిద్ధం.. 18 వేల మందిని తొలగించేందుకు ప్లాన్‌!