IPL 2023 : దాదాపు రెండు నెల‌లకి పైగా సాగిన ఐపీఎల్ ఫైన‌ల్‌కి ఎట్ట‌కేల‌కు ముగింపు ప‌డింది. మ‌రోసారి చెన్నై విజేత‌గా నిలిచింది.ఆదివారం జ‌రగాల్సిన ఫైన‌ల్ సోమ‌వారానికి వాయిదా ప‌డ‌గా, ఆ మ్యాచ్‌లో చెన్నై అద్భుత పోరాట ప‌ఠిమ‌ను క‌న‌బ‌రిచి ఐపీఎల్ విజేత‌గా నిలిచింది. గుజ‌రాత్‌పై ఐదు వికెట్ల తేడాతో ఘ‌న విజ‌యాన్ని సాధించిన ధోనీ సేన ఐదోసారి టైటిల్ సొంతం చేసుకొని చ‌రిత్ర సృష్టించింది.
అస‌లు మ్యాచ్ గుజరాత్ వైపే ఉండ‌గా,జ‌డ్డూ బ్యాటింగ్‌తో చెన్నై ఘ‌న విజ‌యం సాధించింది. చివ‌రి ఓవ‌ర్‌లో ప‌ద‌మూడు ప‌రుగులు చేయాల్సి ఉండ‌గా లాస్ట్ రెండు బాల్స్‌కు సిక్స్‌, ఫోర్ కొట్టి చెన్నైకి జ‌డేజా చిర‌స్మ‌ర‌ణీయ విజ‌యాన్ని అందించాడు. ఈ మ్యాచ్‌లో తొలుత బ్యాటింగ్ చేసిన గుజరాత్ ఇర‌వై ఓవ‌ర్ల‌లో నాలుగు వికెట్లు న‌ష్ట‌పోయి 214 ప‌రుగులు భారీ స్కోర్ చేసింది.
యువ ప్లేయ‌ర్ సాయిసుద‌ర్శ‌న్ 96 ర‌న్స్‌తో చెల‌రేగి గుజ‌రాత్‌కు భారీ స్కోరు అందించ‌డంలో కీల‌క పాత్ర పోషించాడు. ఇక భారీ స్కోరును ఛేదించ‌డంతో బ‌రిలో దిగిన చెన్నైకి ఓపెన‌ర్లు రుతురాజ్ గైక్వాడ్‌, డేవాన్ కాన్వే అదిరిపోయే ఆరంభాన్ని అందించ‌గా, త‌ర్వాత వారిద్ద‌రూ ఔటైనా చెన్నై జోరు మాత్రం త‌గ్గ‌లేదు. త‌ప్ప‌క గెల‌వాల్సిన మ్యాచ్‌లో విజ‌యం సాధించి వావ్ అనిపించారు. అయితే ఈ మ్యాచ్ ప్ర‌తి ఒక్కరికి మంచి మ‌జాని అందించింది. ఈ సారి ఐపీఎల్‌లో లీగ్ మ్యాచ్ల మాదిరిగానే ప్లేఆఫ్స్ కూడా ఉత్కంఠభరితంగా సాగాయి. టేబుల్ టాపర్గా నిలిచిన గుజరాత్ టైటాన్స్ను ఓడించి చెన్నై క‌ప్ ఎగ‌రేసుకొని వెళ్లింది
మన దేశంలో క్రికెట్ను ఇష్టపడని ఎవరుంటారు.. సినీ, రాజ‌కీయ ప్ర‌ముఖులు సైతం మ్యాచ్ చూసేందుకు చాలా ఆస‌క్తి చూపుతుంటారు. సోమవారం సీఎస్కే వర్సెస్ గుజరాత్ పోరును చూసేందుకు ఎందరో సెలబ్రిటీలు తరలిరాగా, వారిలో స్టార్ నటి వరలక్ష్మీ శరత్ కుమార్ కూడా ఉన్నారు.
క్రికెట్‌ని ఎంత‌గానో ఇష్ట‌ప‌డే ఈ అమ్మ‌డు మ్యాచ్ కోసం ఆమె దాదాపు 20 టికెట్లు తీసుకున్నట్లు నెటిజన్స్ చెబుతున్నారు. ఒక్కో టికెట్ ధర రూ.50 వేలు వేసుకున్నా.. ఆమె దగ్గర ఉన్న టికెట్ల ధర రూ.10 లక్షల వరకు ఉంటుందని చెప్పుకొస్తున్నారు. సీఎస్కేపై అభిమానంతో ఒక మ్యాచ్కు ఏకంగా రూ.10 లక్షలు ఖర్చు పెట్టింద‌ట వరలక్ష్మీ. ప్ర‌స్తుతం ఈ వార్త నెట్టింట వైరల్ అవుతుంది.
ఈ త‌మిళ భామ ఒక‌ప్పుడు హీరోయిన్‌గా ప‌లు సినిమాలు చేసింది. ఇప్పుడు స‌పోర్టింగ్ క్యారెక్ట‌ర్స్ తో మెప్పిస్తుంది. వరలక్ష్మీ ‘క్రాక్’, ‘నాంది’, ‘వీర సింహా రెడ్డి’ సినిమాలతో తెలుగు నాట ఆమె సూపర్ స్టార్డమ్ సంపాదించిన విషయం మ‌నంద‌రికి తెలిసిందే.
read more news :
Mokshagna : బాల‌య్య త‌న‌యుడి డెబ్యూ మూవీకి ముహూర్తం ఖ‌రారు..ఈ విషయం లీక్ చేసింది ఎవ‌రంటే..!