నటసింహం నందమూరి బాలకృష్ణ (balakrishna) హోస్ట్ చేస్తున్న అన్‌స్టాపబుల్ సీజన్ 2 (Unstoppable with NBK S2) తాజా ఎపిసోడ్ పాన్ ఇండియా స్టార్ ప్రభాస్ (prabhas) మరియు యాక్షన్ హీరో గోపీచంద్ (gopichand) లతో కలిసి వచ్చిన సంగతి తెలిసిందే.
మొద‌టి నుంచి ఆస‌క్తిని రేకెత్తిస్తున్న ఈ సూప‌ర్ ఎపిసోడ్ ప్రోమోను ఆహా వారు విడుద‌ల చేశారు. ఈ ప్రోమోలో, ప్రభాస్ మరియు గోపీచంద్ ఇద్దరూ తమ సినీ కెరీర్‌తో పాటు వ్యక్తిగత విషయాల గురించి చాలా ఆసక్తికరమైన విషయాలను పంచుకున్నారు.
ప్రోమో మధ్యలో ప్రభాస్, చరణ్ కు ఫోన్ చేస్తున్నప్పుడు, “అయ్యో చరణ్ నువ్వు నా మిత్రుడా.. నా శత్రువువా” అంటూ, ఇంకా బాలకృష్ణ ప్రభాస్ ను రాణి గురించి చెప్పమని అడగ్గా గోపీచంద్ చెప్తుంటే రేపటి నుంచి సోషల్ మీడియాని తట్టుకోలేను బాబూ అని ప్రభాస్ అనడం, ఇలా చాలా ఫన్నీగా ఈ ఎపిసోడ్ ఉంటుందని తెలుస్తుంది.
తాజా ఎపిసోడ్ చాలా వినోదాత్మకంగా ఉన్నట్లు అనిపిస్తుంది. ఆ ఎపిసోడ్ డిసెంబర్ 30న ప్రసారం కానుంది. ప్రస్తుతం ఈ ప్రోమో యూట్యూబ్‌లో భారీ వ్యూస్‌తో కొనసాగుతోంది.
