Bandla Ganesh: ఇటీవ‌ల టాలీవుడ్‌లో కొంద‌రి ప్ర‌ముఖ‌ల మ‌ధ్య ప‌చ్చ‌గ‌డ్డి వేస్తే భ‌గ్గుమంటుంది. అలాంటి వారిలో త్రివిక్రమ్ – బండ్ల గణేష్ ఉంటారు. వీరిద్ద‌రి మ‌ధ్య కొ్నాళ్లుగా కోల్డ్ వార్ నడుస్తుంది. అయిత బండ్ల గణేష్ గురించి ప్ర‌త్యేకంగా చెప్ప‌న‌క్క‌ర్లేదు. క‌మెడీయ‌న్ గా ఎంట్రీ ఇచ్చిన బండ్ల గణేష్ .. రవితేజ నటించిన ఆంజనేయులు మూవీతో నిర్మాతగా కూడా మారాడు. పవన్ కళ్యాణ్, ఎన్టీఆర్ వంటి పలువురు హీరోలతో సినిమాలు నిర్మించి స్టార్ ప్రోడ్యూస‌ర్ జాబితాలో చేరాడు. అయితే బండ్ల గ‌ణేష్‌కి మెగా ఫ్యామిలీ హీరోలు అంటే ఎంత ఇష్టమో మనందరికీ తెలిసిందే. అయితే అందరు ఆయనని పవన్ కళ్యాణ్ కి వీర భక్తుడిగా బండ్ల గణేష్ పేరు చెబుతుంటారు. పవన్ ముందు ఉన్నాడంటే బండ్ల గ‌ణేష్‌ని ఆప‌డం ఎవ‌రి త‌రం కూడా కాదు. అయితే ఇటీవ‌ల బండ్ల గణేష్ సోషల్ మీడియాలో యాక్టివ్‌గా ఉంటూ సినిమాలు, రాజకీయాల‌పై త‌న‌దైన శైలిలో స్పందిస్తున్నారు.
కొన్నాళ్లుగా బండ్ల గణేష్ – త్రివిక్రమ్ మధ్యకోల్డ్ వార్ నడుస్తుంది అని సినీ వర్గాల్లో టాక్ నడుస్తుంది. ఇప్పుడు తాజాగా ఈ వివాదం మరోసారి బయట పడిందనే చెప్పాలి. సాధార‌ణంగా త్రివిక్రమ్ ని సినీ పరిశ్రమలో గురూజీ అని అంటారు. తాజాగా ఓ నెటిజన్ ప్రొడ్యూసర్ కావాలంటే ఏం చేయాలి అని బండ్ల గణేష్ కి ట్వీట్ చేయ‌డంతో దానికి స్పందిస్తూ… గురూజీని కలిసి కాస్ట్‌లీ గిఫ్ట్ ఇవ్వు అయిపోతావు అని ట్వీట్ చేసాడు. దీంతో ఇప్పుడు ఈ ట్వీట్ నెట్టింట వైర‌ల్‌గా మారింది. మరో నెటిజన్.. గురూజీకి కథ చెప్తే ,స్క్రీన్ ప్లే రాసి దానికి తగ్గట్టు కథ మార్చి, ఆ కథని షెడ్ కి పంపిస్తారని అని చెబుతుంటారు, అది నిజేమ‌నా అని బండ్ల గ‌ణేష్‌కి ట్వీట్ చేశాడు.
ఆ ట్వీట్‌కి స‌మాధానం ఇచ్చిన బండ్ల గణేష్.. అదే కాదు భార్యాభర్తల్ని, తండ్రి కొడుకుల్ని, గురుశిష్యుల్ని, ఎవర్నైనా వేరు చేస్తాడు అనుకుంటే అది మన గురూజీ స్పెషాలిటీ అంటూ త‌న ట్వీట్‌లో పేర్కొన్నాడు. ఈ ట్వీట్స్ ఖ‌చ్చితంగా త్రివిక్ర‌మ్‌ని ఉద్దేశించే చేశాడ‌ని పలువురు ముచ్చ‌టించుకుంటున్నారు. ఇన్‌డైరెక్ట్ గా తనని, పవన్ కళ్యాణ్ ని త్రివిక్రమ్ విడతీశాడని బండ్ల గణేష్ చెప్తున్నట్టు ట్వీట్ ద్వారా అర్ధ‌మ‌వుతుంద‌ని పలువురు త‌మ అభిప్రాయాలు వ్య‌క్తం చేస్తున్నారు. దీనికి పవన్ ఫ్యాన్స్ కొంద‌రు సపోర్ట్ చేస్తూ కామెంట్స్ చేస్తుంటే గురూజీ ఫ్యాన్స్ మాత్రం బండ్ల గణేష్ పై ఆగ్ర‌హం వ్య‌క్తంం చేస్తున్నారు. గతంలో కూడా ఈ ఇష్యూ మీద త్రివిక్రమ్ ఏ మాత్రం స్పందించలేదు. మరి బండ్ల గణేష్ ఇంత డైరెక్ట్ గా ట్వీట్ చేసిన తర్వాత ఆయ‌న స్పందిస్తాడా లేదా అన్న‌ది చూడాల్సి ఉంది.
read more news :
Karate Kalyani: మా అసోసియేష‌న్ నుండి క‌రాటే క‌ళ్యాణి స‌స్పెండ్.. మంచి బహుమ‌తి ఇచ్చారంటూ కామెంట్