Roger federer retirement : టెన్నిస్ సూపర్ స్టార్ , స్విట్జర్లాండ్ మేటి ఆటగాడు రోజర్ ఫెదరర్ తన టెన్నిస్ కెరీర్‌కు రిటైర్మెంట్ ప్రకటించాడు. 41 ఏళ్ల ఫెదరర్ ఈరోజు (సెప్టెంబర్ 15) తన నిర్ణయాన్ని ట్విట్టర్‌లో ప్రకటించాడు.
పురుషుల టెన్నిస్ చరిత్రలో ఆల్ టైమ్ గ్రేట్ గా గుర్తింపు పొందిన ఫెడెక్స్ ట్విట్టర్ లో వీడ్కోలు సందేశం పంపాడు. టెన్నిస్ కుటుంబానికి ‘ప్రేమతో రోజర్ ‘ అనే వీడియోను తన అభిమానుల తో పంచుకున్నాడు.
To my tennis family and beyond,
With Love,
Roger pic.twitter.com/1UISwK1NIN— Roger Federer (@rogerfederer) September 15, 2022
వచ్చే వారం లండన్‌లో జరిగే లేవర్‌ కప్‌ తన చివరి ఏటీపీ ఈవెంట్ అని స్పష్టం చేశాడు. ప్రొఫెషనల్ టెన్నిస్ ప్లేయర్‌గా తన 24 ఏళ్ల ప్రయాణంలో తనకు మద్దతుగా నిలిచిన ప్రతి ఒక్కరికీ ధన్యవాదాలు తెలిపాడు. ఆట నుంచి తప్పుకోవాల్సిన సమయం ఆసన్నమైందని అన్నాడు.
— Roger Federer (@rogerfederer) September 15, 2022
గ్రేటెస్ట్ ఆఫ్ ఆల్ టైమ్ (GOAT) గా పేరు పొందిన ఫెదరర్ తన కెరీర్‌లో మొత్తం 20 గ్రాండ్ స్లామ్ టైటిళ్లను గెలుచుకున్నాడు. తన కెరీర్‌లో 1500కు పైగా మ్యాచ్‌లు ఆడిన అతను 310 వారాల పాటు ప్రపంచ నంబర్‌వన్ ర్యాంక్‌లో కొనసాగాడు.