తమిళ హీరో విజయ్ ఆంటోని (vijay antony) తమిళ చిత్రం పిచైక్కారన్ (pichaikkaran) , అలాగే తెలుగు డబ్బింగ్ సినిమా గా వచ్చిన బిచ్చగాడు చిత్రం తెలుగు తమిళ భాషల్లో సెన్సేషనల్ హిట్ అయిన విషయం మనకి తెలిసిందే. ఈ మూవీ తో విజయ్ ఆంటోనికి మంచి పాపులారిటీ వచ్చింది. బిచ్చగాడు సినిమా కు ముందు కూడావిజయ్ ఆంటోని కొన్ని చిత్రాల్లో నటించాడు. కానీ బిచ్చగాడు మూవీ వచ్చేవరకు విజయ్ ఆంటోని అంటే ఎవరో చాలా మందికి తెలియదు. ఈ సినిమా తర్వాత విజయ్ ఆంటోని ఒక్కసారిగా పాపులర్ అయ్యారు.
అయితే హీరో విజయ్ ఆంటోనికి తాజాగా ఓ దురదృష్ట సంఘటన మలేషియా లో జరిగింది. విజయ్ ఆంటోని తన నెక్స్ట్ మూవీ షూటింగ్ లో ప్రమాదవశాత్తూ గాయపడ్డారు. విజయ్ ఆంటోని ప్రస్తుతం బిచ్చగాడు 2(పిచైక్కారన్ 2) మూవీ లో నటిస్తున్నారు. ఈ మూవీ షూటింగ్ మలేషియాలో జరుగుతోంది.
షూటింగ్ సమయంలో విజయ్ ఆంటోనీకి తీవ్ర గాయాలయ్యాయి. దీంతో చిత్ర యూనిట్ అతడిని చికిత్స నిమిత్తం మలేషియాలోని ఆసుపత్రికి తరలించారు. ప్రస్తుతం విజయ్ పరిస్థితి నిలకడగా ఉంది. ఆయన కోలుకుంటున్నారని చెప్పారు. ఈ రాత్రికి విజయ్ ఆంటోని ఫ్యామిలీ మలేషియా వెళ్లబోతున్నట్లు తమిళ వర్గాలు చెబుతున్నాయి.
బోటులో ఓ సన్నివేశాన్ని చిత్రీకరిస్తుండగా ఈ ప్రమాదం జరిగింది. హీరో విజయ్ ఆంటోని బోటులో ప్రయాణిస్తున్నాడు . ఒక కెమెరామెన్ మరియు ఇతర సిబ్బంది సమీపంలోని మరొక పడవలో చిత్రీకరిస్తున్నారు. వేగంగా వస్తున్న బోటు అదుపు తప్పి ఢీకొట్టింది. దీంతో ఈ ప్రమాదం జరిగినట్లు తెలుస్తోంది.
ప్రస్తుతం విజయ్ ఆంటోని పూర్తిగా కొలుకునేవరకు షూటింగ్ ఆగినట్లే.. బిచ్చగాడు 2 మూవీ తిరిగి షూటింగ్ ఎప్పుడు మొదలవుతుందనే ఇపుడే చెప్పలేము. తన అభిమాన హీరో విజయ్ ఆంటోని త్వరగా కోలుకోవాలని అభిమానులు ప్రార్థిస్తున్నారు.
also read :
Fish and Milk : చేపలు తిన్న తర్వాత పాల పదార్థాలు తీసుకోవడం వల్ల చర్మ వ్యాధులు వస్తాయా ?
Viral video : తన జుట్టును ఇచ్చేసిన క్యాన్సర్‌తో పోరాడుతున్న మహిళ.. బార్బర్ ఏం చేశాడంటే!
Face oils for skin : ఫేస్‌ ఆయిల్స్‌తో నిగనిగలాడే చర్మ సౌందర్యం.. ఎలా వాడాలో తెలుసుకోండి..
Kohli: కోహ్లీకి సంక్రాంతి అంటే పూన‌కాలు లోడింగ్.. గ‌తంలోను..