రజనీకాంత్ హీరో గా ‘జైలర్’ సినిమా రూపొందుతోంది. నెల్సన్ దిలీప్ కుమార్ ఈ చిత్రానికి దర్శకత్వం వహిస్తున్నారు. సన్ పిక్చర్స్ భారీ బడ్జెట్ తో ఈ చిత్రాన్ని నిర్మిస్తోంది. ఈ సినిమా షూటింగ్ కొద్ది రోజులుగా శరవేగంగా జరుగుతోంది.
హీరోయిన్ కాంబినేషన్ సీన్స్ చేయాల్సిన సమయం వచ్చేసింది. ఈ చిత్రానికి మూవీ టీమ్ కొంతమంది సీనియర్ స్టార్ హీరోయిన్ల పేర్లను పరిశీలించి చివరకు తమన్నాను ఎంపిక చేసినట్లు తెలుస్తోంది. రజనీకాంత్‌తో నటించాలనేది తన కల అని తమన్నా చాలాసార్లు చెప్పింది. ఈ సినిమాతో ఆమె హ్యాపీగా ఉందని అంటున్నారు. ఆమెను రజనీ సరసన చూడాలనుకునే అభిమానుల కోరిక కూడా తీరుతుంది.
‘బాహుబలి 2’ తర్వాత తమన్నా పాపులారిటీ ఓ రేంజ్‌లో పెరుగుతుందని భావించారు. ‘సైరా’ సినిమా సమయంలోనూ ఇదే టాక్ వచ్చింది. కానీ కొన్ని కారణాల వల్ల పెద్ద సినిమాల్లో కనిపించలేకపోయింది. రజనీ సినిమా పాన్ ఇండియాలో విడుదల కానుండడం ఆమెకు సంతోషాన్ని కలిగించే విషయమే. ఈ సినిమాకి అనిరుధ్ సంగీతం సమకూరుస్తున్న సంగతి తెలిసిందే.