ఇటీవల జరిగిన టీ20 ప్రపంచకప్ టోర్నీలో భారత యువ ఆటగాడు సూర్య కుమార్ యాదవ్ (Surya Kumar Yadav) తన ప్రతాపం చూపించాడు. అతని షాట్లకు అభిమానులే కాకుండా అంతర్జాతీయ మాజీ క్రికెటర్లు సైతం ఆశ్చర్యపోయారు.
ప్రస్తుతం న్యూజిలాండ్ పర్యటనలో ఉన్న ఈ యంగ్ ప్లేయర్ ఐసీసీ టీ20 ర్యాంకింగ్స్‌లో టాప్ ప్లేస్ లో కొనసాగుతున్నాడు. అంతర్జాతీయ క్రికెట్‌లో ప్రస్తుతం అత్యుత్తమ టీ20 బ్యాట్స్‌మెన్ కూడా. అలాగే న్యూజిలాండ్‌తో జరుగుతున్న టీ20 సిరీస్‌లోనూ సూర్య తనదైన రీతిలో మెరుస్తున్నాడు.
అతని ఆట తీరుపై సర్వత్రా ప్రశంసలు వెల్లువెత్తుతున్నాయి. ఇలాంటి ఆటగాడు మూడు నాలుగేళ్ల క్రితమే భారత జట్టులోకి వచ్చాడనుకునే వారు ఉండరు. అతను తన అరంగేట్రం ఆలస్యంగా చేసాడు మరియు వచ్చిన ప్రతి అవకాశాన్ని సద్వినియోగం చేసుకుంటున్నాడు.
కానీ భారత జట్టు డిసెంబర్ 4 నుంచి బంగ్లాదేశ్ పర్యటనకు వెళ్లనుంది.ఈ పర్యటనలో భాగంగా భారత్ మూడు వన్డేలు, రెండు టెస్టుల సిరీస్‌లు ఆడనుంది. వన్డే ఫార్మాట్‌లో ఇప్పటికే 14 మ్యాచ్‌లు ఆడిన సూర్యకుమార్ యాదవ్‌కు ఈ టూర్‌లో బీసీసీఐ చోటు కల్పించలేదు.
దీంతో క్రికెట్ అభిమానులంతా బీసీసీఐపై ఆగ్రహం వ్యక్తం చేస్తున్నారు. సంజూ శాంసన్ విషయంలోనూ బీసీసీఐ ఇలా వ్యవహరిస్తోందని వాపోయారు. బీసీసీఐ ఒక కులానికి ప్రాధాన్యత ఇస్తోందని, మిగిలిన వారికి అన్యాయం చేస్తోందని పలువురు అభిమానులు సోషల్ మీడియా వేదికగా ఆరోపిస్తున్నారు.
టీ20ల్లో అద్భుతంగా ఆడుతున్న సూర్యకుమార్ యాదవ్ వన్డేలు ఆడకుండా ఉండగలడా? వన్డేలు ఆడే అవకాశం ఎందుకు ఇవ్వలేదని ప్రశ్నిస్తున్నారు.
ఫామ్ లేని ప్లేయర్స్ ని టీం లోకి తీసుకుని సంజూ శాంసన్, సూర్య కుమార్ లాంటి ఆటగాళ్లకు బీసీసీఐ తీవ్ర అన్యాయం చేస్తోందని వాపోయారు. కొందరు క్రికెట్‌లో కూడా రిజర్వేషన్లు కోరుకుంటున్నారు.
రెగ్యులర్ కెప్టెన్ రోహిత్ సారథ్యంలో బంగ్లాదేశ్‌తో టీమిండియా టెస్టులు, వన్డేలు ఆడనుంది. ఇప్పటికే మోకాలికి శస్త్ర చికిత్స చేయించుకున్న జడేజా పూర్తి ఫిట్ నెస్ సాధించలేదు. దీంతో అతడి స్థానంలో మరో ఆటగాడిని జట్టులో ఎంపిక చేసే అవకాశం ఉంది.
త్వరలో టెస్టులకు కూడా సూర్య ఎంపిక కానున్నాడని ప్రచారం జరుగుతోంది. అయితే సూర్య మాత్రం మెల్లగా పక్కకు తప్పుకుంటాడేమోనని అభిమానులు అనుమానం వ్యక్తం చేస్తున్నారు.
ఇవి కూడా చదవండి :
Bigg Boss 6: హౌజ్‌లో సిరి, శ్రీహాన్ రొమాన్స్ మాములుగా లేదుగా..!
horoscope today : ఈ రోజు రాశి ఫలాలు 2022, నవంబర్ 25 శుక్రవారం