spy telugu movie review
‘స్పై’ కథ ఏంటంటే :
జై (నిఖిల్ సిద్ధార్థ్) ‘రా’ కోసం పనిచేసే సీక్రెట్ ఏజెంట్. జై సోదరుడు సుభాష్ (ఆర్యన్ రాజేష్) ఖదీర్ (నితిన్ మెహతా) అనే ప్రమాదకరమైన అంతర్జాతీయ నేరస్థుడిని అంతమొందించే మిషన్‌లో భాగంగా ప్రాణాలు కోల్పోతాడు. సుభాష్ చేతుల్లో చనిపోయాడని భావించిన ఖాదిర్ మళ్లీ కనిపించడమే కాకుండా భారత్‌పై దాడి చేయబోతున్నట్లు మెసేజ్ కూడా పంపడంతో అతడి ఆచూకీ తెలుసుకునే మిషన్‌ను చీఫ్ జైకి అప్పగిస్తాడు. జై ఈ పనిలో ఉండగానే.. సుభాష్ చంద్రబోస్‌కి సంబంధించిన ఓ ముఖ్యమైన ఫైల్ ‘రా’ నుంచి కనిపించకుండా పోయింది. ఇండియాపై జరగబోయే దాడిలో ఈ ఫైలు కీలకం అని తెలియడంతో.. ఫైలుని కనిపెట్టే బాధ్యత కూడా జై తీసుకుంటాడు. చనిపోయాడని భావించిన ఖదీర్ తిరిగి ఎలా బతికాడు? తప్పిపోయిన ఫైల్ గురించి ఏమిటి? ఖదీర్‌ను కనుగొని జై తన సోదరుడి మరణానికి ప్రతీకారం తీర్చుకున్నాడా? ఈ ప్రశ్నలన్నింటికీ మీ స్క్రీన్‌పై చూడాలి.
‘స్పై’ సినిమా ఎలా ఉందంటే :
చనిపోయాడని భావించిన విలన్ మళ్లీ ఎలా బ్రతికాడు అని తెలుసుకోవడానికి వెళ్లిన హీరో.. ఆ సీక్రెట్‌ని తెలుసుకుంటాడు. ఆ తర్వాత విలన్‌తో కలిసి కారులో ప్రయాణించి పెట్రోల్ బంకుకు వెళ్తున్న వీడియో ఒకటి లీక్ అయింది. ఇందులో హీరో విలన్‌పై చేయి వేసి నవ్వుతూ మాట్లాడుతున్నాడు. ఈ వీడియో ఇలా లీక్ కావడమే ఆలస్యం.. ‘రా’ అధినేత దాన్ని చూసి వెంటనే హీరో కాంప్రమైజ్ అయ్యాడని తేల్చేశాడు.
వెంటనే హీరోని ‘రోగ్ ఏజెంట్’గా ప్రకటించి, అతడిని పట్టుకోవాలని.. లేదంటే చంపేయమని ఆదేశిస్తాడు. ఇన్నాళ్లు సిన్సియర్‌గా పనిచేస్తున్న ఓ ఏజెంట్.. విలన్‌తో చిరునవ్వుతో మాట్లాడి.. దేశద్రోహిగా మారాడని ‘రా’ అధినేత ఫిక్సయిపోయి.. చంపేయమని ఆదేశాలు ఇవ్వడం.. కాల్ చేసి కీలకమైన సమాచారం ఇచ్చి అతన్ని విస్మరించి అపార్థం చేసుకుంటాడు. పోనీ ఇదంతా మిషన్ లో భాగంగా ఆడిన డ్రామా అని అనుకుంటే. ‘రా’ అధినేత నిజంగానే హీరోని తప్పుగా అర్థం చేసుకున్నట్లు చూపించారు. ‘రా’గా మనం అత్యున్నత స్థాయిలో ఊహించుకుంటాం. లీడ్ క్యారెక్టర్ ని ఇంత సిల్లీగా డిజైన్ చేసి, సీన్లు అంత ఫాస్ట్ గా షూట్ చేస్తే, స్పై థ్రిల్లర్ మూవీని సీరియస్ గా ఎలా తీసుకుంటాం?
స్పై థ్రిల్లర్‌ని యాక్షన్ సన్నివేశాలతో నింపడానికి సరిపోదు. కథ బలంగా ఉండాలి. కథ నడవాలి. అన్నింటికీ మించి సన్నివేశాలు ఉత్కంఠభరితంగా ఉండాలి. అయితే ఆ థ్రిల్ ప్రధానంగా ‘స్పై’లో మిస్ అయ్యింది . సుభాష్ చంద్రబోస్ తో కథ అల్లిన విధానం బాగున్నప్పటికీ.. కథను అనుకున్నంత ఆసక్తికరంగా ప్రెజెంట్ చేయడంలో ‘స్పై’ టీమ్ విఫలమైంది.
ఇంటెన్సిటీ మిస్
ఇంతకు ముందే చెప్పినట్లు ఈ కథలోని ఇంటెన్సిటీని ప్రేక్షకులు అనుభవించలేకపోయారు. యాక్షన్ మూమెంట్స్ ఒకదాని తర్వాత ఒకటి వస్తూ వుంటాయి కానీ తర్వాత ఏం జరుగుతుందో అనే ఉత్కంఠను మాత్రం రేకెత్తించలేకపోయాయి. సీక్రెట్ ఏజెంట్ సినిమాగా.. పై అధికారి హీరో పేరు, ఎక్కడున్నాడో చెప్పి.. వెంటనే రికార్డ్ చేసిన మిషన్‌లో హీరో సాహసాలను చూపిస్తూ.. యావరేజ్ ఇంట్రో సీన్‌తో మొదలయ్యే ఈ ‘స్పై’ .. ఆ తర్వాత చాలా సాధారణ సన్నివేశాలతో సాగుతుంది. హీరో హీరోయిన్ల రొమాంటిక్ ట్రాక్ చాలా పేలవంగా ఉంది.
‘స్పై’ ట్రైలర్‌ చూసిన తర్వాత అందరిలో ఆసక్తి నెలకొంది.. సుభాష్ చంద్రబోస్ గురించి. 1945లో ఎప్పుడో చనిపోయాడని భావిస్తున్న బోస్ ప్రస్తుత కథకు ఎలా కనెక్ట్ అవుతాడనే ఆసక్తి అందరిలోనూ నెలకొంది. నిజానికి కథను పరిశీలిస్తే ఆ పాయింట్‌ని బాగా డీల్‌ చేశారు. బోస్ చుట్టూ ఒక ఆసక్తికరమైన అరగంట కథ ఉంటుంది.
చరిత్రలో సామాన్యులకు తెలియని కొత్త విషయాలను ఈ సినిమాలో చర్చించిన విధానం బాగుంది. కానీ సినిమాలో విలన్ సహా ప్రధాన పాత్రలు సరిగ్గా డిజైన్ కాకపోవడం.. హీరో చేపట్టిన మిషన్ లో ఇంటెన్సిటీ లేకపోవడం నిరాశకు గురిచేస్తుంది. విలన్ ఎంత ప్రమాదకరమో చూపించడంలో విఫలమయ్యారు. వినడానికి ఆసక్తి కలిగించే అంశాలను తెరపై ఎఫెక్టివ్ గా ప్రెజెంట్ చేయకపోవడంతో ‘స్పై’ అనుకున్నంత ఇంటెన్స్ గా అనిపించలేదు. విలన్ విషయానికొస్తే బయట కనిపించే ముఖం ఒకటైతే.. తెర వెనుక మరొకరు ఉన్నారనే విషయాన్ని ప్రేక్షకులను ఆశ్చర్యపరిచే విధంగా చూపించే అవకాశం ఉన్నా వాడుకోలేదు. కథలో కీలకమైన ట్విస్ట్‌లను కూడా సరిగ్గా ప్రెజెంట్ చేయలేదు.
వరల్డ్‌క్లాస్ థ్రిల్లర్
శ్రీలంక.. మయన్మార్.. అమెరికా.. ఖాట్మండు.. పాకిస్థాన్.. చైనా.. ఇలా చాలా దేశాల పేర్లు సినిమాలో వినిపిస్తాయి . కథ కూడా ఎక్కడో నడుస్తున్నట్లు చూపించారు. ఖర్చు కూడా తెరపై కనిపిస్తుంది. ప్రధాన పాత్రలకు ప్రముఖ నటీనటులను తీసుకున్నారు. కథ పరిధి కూడా పెద్దదే. మొత్తం మీద వరల్డ్‌క్లాస్ థ్రిల్లర్‌ను రూపొందించేందుకు సెట్‌అప్‌ను సిద్ధం చేశారు. అయితే ఈ కథను ఆసక్తికరంగా మార్చే కథనం.. దర్శకత్వ ప్రతిభ లేకపోవడంతో ‘స్పై’ అంచనాలకు దూరంగా ఆగిపోయింది. ఓటీటీలో వరల్డ్ క్లాస్ స్పై థ్రిల్లర్‌లను చూస్తున్న ఈ రోజుల్లో.. ఇలాంటి కథతో ప్రేక్షకులను ఎంగేజ్ చేయడం చాలా కష్టం. చాలా లూజ్ ఎండ్స్.. తక్కువ నిడివిలో కూడా బోరింగ్ సీన్లు ‘స్పై’ ని ఓ మామూలు సినిమాగా మార్చాయి.
‘స్పై’ నటీనటులు ఎలా చేశారంటే :
జై క్యారెక్టర్‌ని పండించడానికి నిఖిల్ సిద్ధార్థ్ సిన్సియర్ ఎఫర్ట్ ఇచ్చాడు. ‘స్పై’ పాత్రకు పర్ఫెక్ట్‌గా సరిపోయాడు. అతని లుక్ బాగుంది. క్యారెక్టర్‌తో పాటు నటన కూడా బాగా కుదిరింది. కానీ మిగతా పాత్రలు.. ఆయన పాత్రకు పూర్తి స్థాయిలో అందజేయలేకపోయాయి. అభినవ్ గోమతం సినిమా మొత్తంలో నిఖిల్ పక్కన ఉండే మరో ఏజెంట్ పాత్రలో తన ట్రేడ్ మార్క్ పంచులతో నవ్వించే ప్రయత్నం చేశాడు.
కానీ కామెడీ కోసమే ప్రయత్నించడంతో పాత్ర ఔచిత్యాన్ని కోల్పోయింది. హీరోయిన్ ఐశ్వర్య మీనన్ లుక్స్ మరియు నటన ఏజెంట్ పాత్రకు సరిపోలేదు. మరో అమ్మాయి శ్రావ్య ఠాకూర్ బాగానే ఉంది. మకరంద్ దేశ్ పాండే పాత్రను కామెడీగా తీర్చిదిద్దారు. నితిన్ మెహతాను జోకర్‌గా చూపించారు. మెయిన్ విలన్ పాత్రలో జిషు సేన్ గుప్తా బాగున్నాడు. అయితే అతని పాత్రకు బలం లేదు. సచిన్ ఖేడ్కర్.. తనికెళ్ల భరణి.. సురేష్.. అందరూ ఓకే.
‘స్పై’ టెక్నికల్ టీం ఎలా పనిచేసిందంటే ?
విశాల్ చంద్రశేఖర్.. శ్రీ చరణ్ పాకాల పాటలు సోసోగా ఉన్నాయి. శ్రీ చరణ్ నేపథ్య సంగీతం ఆకట్టుకుంది. థ్రిల్లర్ సినిమాలకు పేరు తెచ్చుకున్న ఆయన.. ఇందులోనూ తన సత్తా చాటాడు. షూటింగ్ బాగా జరిగింది. నిర్మాణ విలువలు సినిమాకు కావాల్సిన స్థాయిలో ఉన్నాయి. బాగా ఖర్చు పెట్టారు. ఈ చిత్రానికి కథను కూడా నిర్మాత రాజశేఖర్ రెడ్డే అందించారు. ఆ సబ్జెక్ట్‌ని స్క్రీన్‌పై ఆసక్తికరంగా ప్రెజెంట్ చేసే స్క్రీన్‌ప్లే.. దర్శకత్వ ప్రతిభ లోపించింది. ఈ సినిమాతో దర్శకుడిగా మారిన ఎడిటర్ గ్యారీ బి.హెచ్.. సినిమాకు దర్శకత్వం వహించలేకపోయాడు. యాక్షన్ మూమెంట్స్.. సుభాష్ చంద్రబోస్ స్టోరీ బాగానే ఉన్న .. ఓవరాల్ గా సినిమాను ఆసక్తికరంగా మలచలేకపోయాడు.
రేటింగ్ : 3/5
read more news :
samajavaragamana movie review : ‘సామజవరగమన’ తెలుగు మూవీ రివ్యూ
Bakrid : బక్రీద్ పండుగ ప్రత్యేకత ఏంటి ? ఖుర్బానీ అంటే ఏంటి ? బక్రీద్ ఎందుకు జరుపుకుంటారు ?
Tholi Ekadashi : తొలి ఏకాదశి పండుగ విశిష్టత ఏంటి ? ఎందుకు జరుపుకుంటారు ? ఈ రోజు ఉపవాసం ఎలా చేయాలి?