బాలీవుడ్‌ బాద్‌ షా.. షారుఖ్‌ ఖాన్‌ (Shahrukh Khan) తరచూ వార్తల్లో నిలుస్తున్నారు. వివాదాస్పద అంశాల్లో చిక్కుకుంటూ అంతే స్థాయిలో ప్రేక్షకాదరణ పొందడంలో షారుఖ్‌కు ఎవరూ సాటిలేరని చెబుతారు. ఆయన హీరోగా నటించిన తాజా చిత్రం పఠాన్‌. ఈ చిత్ర బృందం ఇటీవల ఓ సాంగ్‌ను రిలీజ్‌ చేసింది. బేషరమ్‌ రంగ్‌.. అనే పాట ప్రస్తుతం దేశ వ్యాప్తంగా చర్చనీయాంశమైంది. సాంగ్‌లో హీరోయిన్‌ దీపికా పదుకొనే అందాల ఆరబోతే ఇందుకు కారణమైంది. కురచ దుస్తుల్లో హాట్‌ పోజులు, డ్యాన్స్‌లతో ఆ పాటలో దీపిక రెచ్చిపోయి నటించింది.
ఈ నేపథ్యంలో ఆమె దుస్తులు, ఎక్స్‌పోజింగ్‌పై అభ్యంతరాలు వెల్లువెత్తుతున్నాయి. ఈ సాంగ్‌లో ఆమె బికినీలు ధరించి, టాప్‌ కూడా ఎదలు కనిపించేలా సెగలు పుట్టించింది. అసలే బాలీవుడ్‌లో చాలా చిత్రాలు వసూళ్లు రాబట్టలేక చతికిలబడిన నేపథ్యంలో బాయ్‌ కాట్‌ నినాదం ఊపందుకుంది. దీనికి తోడు హిందువుల మనోభావాలు దెబ్బతీస్తున్నారంటూ హిందూ సంఘాలు ఆగ్రహం వ్యక్తం చేస్తున్నాయి. మధ్యప్రదేశ్‌లో అక్కడి బీజేపీ సర్కార్‌ కూడా దీనిపై తీవ్ర వ్యతిరేకతతో ఉంది. అభ్యంతకర సన్నివేశాలు తొలగిస్తేనే మా రాష్ట్రంలో సినిమా ఆడుతుందని.. అక్కడి హోంమంత్రి నరోత్తమ్‌ మిశ్రా ఇప్పటికే స్పష్టం చేశారు.
తాజాగా పశ్చిమబెంగాల్‌ రాజధాని కోల్‌కతాలో ఫిల్మ్‌ ఫెస్టివల్‌లో హీరో షారుఖ్‌ మాట్లాడారు. తన సినిమాపై వస్తున్న విమర్శలకు కౌంటర్‌ ఇచ్చారు బాద్‌ షా. తనను ప్రేక్షకులు అభిమానిస్తుంత కాలం ప్రపంచం ఏమనుకుంటుందన్న విషయాన్ని పట్టించుకోవాల్సిన అవసరం లేదని షారుఖ్‌ పేర్కొన్నారు. సోషల్‌ మీడియా కొన్ని సార్లు సంకుచిత దృష్టి కోణంతో చూస్తుందన్న షారుఖ్‌.. కొందరి ప్రవర్తన అలాగే ఉంటుందని విమర్శలు చేశారు.
సోషల్‌ మీడియాతో నెగిటివిటీ…
సోషల్‌ మీడియా వినియోగం వల్ల విపరీతమైన నెగిటివిటీ స్ప్రెడ్‌ అవుతుందని తాను ఎక్కడో చదివానని చెప్పారు షారుఖ్‌ ఖాన్‌. ఇలాంటివి మనుషుల మధ్య విభేదాలు సృష్టించేందుకు కారణమవుతాయన్నారు. కోల్‌కతా ఇంటర్నేషనల్‌ ఫిల్మ్‌ ఫెస్టివ్‌ లాంటివి మనలో సానుకూల దృక్ఫథాన్ని కలిగిస్తాయన్నారు. పఠాన్‌ చిత్రాన్ని బాయ్‌ కాట్‌ చేయాలని, దీపికా పదుకొనే బికినీ సీన్లు కట్‌ చేయాలని డిమాండ్లు వినిపిస్తున్న నేపథ్యంలో షారుఖ్‌ వ్యాఖ్యలు చర్చనీయాంశంగా మారాయి. మరోవైపు దీపికా కాషాయ రంగు బికినీ ధరించడంపై బీజేపీ శ్రేణులు గుర్రుగా ఉన్నాయి.
watch video here :
Besharam Rang Song full video from Pathaan featuring Shah Rukh Khan, Deepika Padukone