షారుఖ్ ఖాన్ పుట్టినరోజు అంటే అతని అభిమానులకు పండుగ కంటే తక్కువ కాదు. చాలా మంది బాలీవుడ్ అభిమానులు కింగ్ ఖాన్ పుట్టినరోజున ప్రతి సంవత్సరం అతని ఇంటి బయట గుమిగూడి అతనికి పుట్టినరోజు శుభాకాంక్షలు చెప్పే పద్దతి కొన్ని సంవత్సరాలుగా పాటిస్తున్నారు అలాగే ఈ సంవత్సరం కూడా పాటించారు.
బుధవారం, SRK తన 57వ పుట్టినరోజు సందర్భంగా అభిమానులను పలకరించడానికి తన బంగ్లా ‘మన్నత్’ నుండి బయటికి వచ్చారు.
అభిమానులు బిగ్గరగా చేస్తున్న హర్షధ్వానాల వైపు చూసి నవ్వుతూ చేతులు ఊపాడు. అతనితో పాటు అతని తొమ్మిదేళ్ల కుమారుడు అబ్రామ్ కూడా ఉన్నాడు, అతను కూడా బాల్కనీ నుండి జనం వైపు చేతులు ఊపాడు. నీలిరంగు జీన్స్‌తో కూడిన నలుపు 1-షర్టును షారుఖ్ ధరించగా, అబ్రామ్ షార్ట్‌ మరియు తెల్లటి టీ-షర్టును ధరించాడు.
అతని సిగ్నేచర్ స్టైల్ లో అదే చేతులు చాపి ఫొటోలకు పోజులు ఇవ్వడమే కాకుండా బాల్కనీ నుంచి అభిమానులతో సెల్ఫీలు దిగారు.
#WATCH | Mumbai: Actor Shah Rukh Khan & his son AbRam wave at the fans who gathered outside his residence 'Mannat' in large numbers to catch a glimpse of him, on Shah Rukh Khan's 57th birthday. pic.twitter.com/8uDi9X0ETQ
— ANI (@ANI) November 1, 2022
వివిధ నగరాల నుంచి అభిమానులు తమదైన రీతిలో సూపర్‌స్టార్‌కు శుభాకాంక్షలు తెలిపేందుకు క్యూ కట్టారు. చాలా మంది స్వీట్లు, టీ-షర్టులు మరియు SRK యొక్క భారీ పోస్టర్‌లను కూడా తీసుకువచ్చారు.
‘బాజీగర్’, ‘కభీ హాన్ కభీ నా’, ‘దిల్‌వాలే దుల్హనియా లే జే కుచ్ హోతా హై’, ‘కల్ హో నా హో’, ‘వీర్ జరా’ వంటి చిరస్మరణీయ చిత్రాలతో సూపర్‌స్టార్ గా ప్రేక్షకుల మదిలో చిరస్థాయిగా నిలిచిపోయారు షారుఖ్.
.@iamsrk 🤩 #SRKDay pic.twitter.com/a8gufYILm0
— IamSRKClub (@iamsrkclub) November 2, 2022
షారుక్ నుండి సినిమా వచ్చి చాలా రోజులు కావడంతో ఆయన తదుపరి సినిమా సిద్ధార్థ్ ఆనంద్ దర్శకత్వం వహిస్తున్న యాక్షన్ థ్రిల్లర్ ‘పఠాన్’ కోసం అభిమానులు ఆతృతగా ఎదురుచూస్తున్నారు. ఈ సినిమాలో ఆయన దీపికా పదుకొనే మరియు జాన్ అబ్రహంతో కలిసి కనిపించనున్నారు. జనవరి 25, 2023న హిందీ, తమిళం, తెలుగు భాషల్లో ఈ సినిమా విడుదల కానుంది.
ఆ తర్వాత, అతను రాజ్‌కుమార్ హిరానీ దర్శకత్వం వహిస్తున్నచిత్రం ‘డుంకీ’లో తాప్సి పన్నుతో కనిపించనున్నారు, ఆ తర్వాత దక్షిణాది దర్శకుడు అట్లీ యొక్క రాబోయే యాక్షన్ థ్రిల్లర్ ‘జవాన్’ లో నయనతారతో కలిసి నటించనున్నాడు.