Samantha: నంద‌మూరి బాల‌కృష్ణ‌లో స‌రికొత్త కోణాన్ని బ‌య‌ట‌పెట్టిన షో అన్స్టాపబుల్. ఈ షోకి ఎంత రెస్పాన్స్ వ‌చ్చిందో ప్ర‌త్యేకంగా చెప్ప‌న‌క్క‌ర్లేదు. అన్స్టాపబుల్ ఫస్ట్ సీజన్ బ్లాక్ బస్టర్ హిట్టైయింది. బాలయ్య సిల్వర్ స్క్రీన్ పైనే కాదు.. స్మాల్ స్క్రీన్ పై కూడా చించి ఆరేశాడు. ఈ క్ర‌మంలో రెండో సీజన్ మొద‌లు పెట్టేందుకు నిర్వాహకులు కూడా తెగ ఆస‌క్తి చూపించారు.
ముందుగా సెకండ్ సీజన్‌కు సంబంధించిన స్పెషల్ ఏంథెమ్ సాంగ్‌ను త్వరలో విడుదల చేయనున్నారు. అన్స్టాపబుల్ సీజన్ 2 విజయ దశమి కానుకగా స్ట్రీమింగ్ చేయాలనే ఆలోచనలో ఉన్న‌ట్టు తెలుస్తుంది. అయితే సెకండ్ సీజ‌న్‌లో గెస్ట్‌లు ఎవ‌రెవ‌రు రాబోతున్నారు అనేదానిపై ప‌లు ర‌కాల వార్త‌లు వినిపిస్తున్నాయి.
సమంత రానుందా?
అన్స్టాపబుల్ షోకి పవన్ కళ్యాణ్-త్రివిక్రమ్ ని తీసుకురావాలనుకున్నార‌ని, త్వ‌ర‌లోనే దీనిపై క్లారిటీ రానుంద‌ని స‌మాచారం. అయితే పవన్ కళ్యాణ్,త్రివిక్ర‌మ్‌ల‌ని ప్లాన్ చేసిన‌ప్ప‌టికీ వారున్న బిజీ ప‌నుల వ‌ల‌న ప్ర‌స్తుతం షోకి వ‌చ్చే ఛాన్స లేద‌ని స‌మాచారం.
ఈ క్ర‌మంలో సమంతను తీసుకురావలని డిసైడ్ అయ్యారట నిర్వాహకులు. ఇదే ఆహా కోసం సమంత గతంలో సామ్ జామ ప్రోగ్రాం చేసిన సంగతి తెలిసిందే. ఆ రకమైన బాండింగ్ ని ఆహాతో అమ్మడు ఓకే చెప్పింద‌ని, ఇక సమంతని తీసుకొస్తే? ఎన్నో విషయాల గురించి బాలయ్య మాట్లాడ‌డం ఖాయం అని అంటున్నారు.
నాగచైతన్యతో విడాకులు తర్వాత సమంత బాలీవుడ్ ఫేమ‌స్ షో కాఫీవిత్ కరణ్ టాక్ షో హాజ‌రై ఆ షోలో త‌న ఫ్యామిలీకి సంబంధించి నోరు విప్పింది. చైతూ, తన‌ని ఓ రూంలో వేస్తే ప‌రిస్థితి దారుణంగా ఉంటుంద‌ని పేర్కొంది.
అయితే అన్ స్టాపబుల్ -2 లో బాలయ్య అడిగితే అన్ని విషయాల గురించి నోరు విప్పుతుంద‌ని కొందరు కామెంట్స్ చేస్తున్నారు.ఇక సమంత ప్ర‌స్తుతం శాకుంతలం, య‌శోద, ఖుషీ చిత్రాల‌తో బిజీగా ఉంది. శాకుంతలం త్వ‌ర‌లోనే ప్రేక్ష‌కుల ముందుకు రాబోతుంది.