Sai Dharam Tej: మెగా హీరో సాయిధ‌ర‌మ్ రోడ్డు ప్ర‌మాదంలో గాయ‌ప‌డిన‌ప్పుడు అబ్దుల్ అనే వ్యక్తి ఆస్పత్రికి చేర్చిన విష‌యం తెలిసిందే. అయితే ప్రమాదం నుంచి ప్రాణాలతో కాపాడిన అబ్దుల్కు సాయి ధరమ్ తేజ్ పెద్ద సాయం చేశారని కొద్ది రోజులుగా జోరుగా ప్ర‌చారం జ‌రుగుతుంది.
అబ్ధుల్‌కి మెగా ఫ్యామిలీ నుండి భారీగానే ముట్టింద‌ని ప్రచారాలు న‌డుస్తున్న స‌మ‌యంలో అబ్ధుల్ స్పందిస్తూ.. తనను సాయి తేజ్ కాని మెగా కుటుంబం నుంచి ఎవరూ కలవ‌లేద‌ని, త‌న‌కెలాంటి సాయం చేయ‌లేద‌ని చెప్పాడు.
అబ్ధుల్ కామెంట్స్ త‌ర్వాత సాయి ధరమ్ తేజ్ను ట్రోల్ చేస్తూ సోషల్ మీడియాలో ఓ రేంజ్‌లో విమర్శలు వెల్లువెత్తాయి.ఈ క్ర‌మంలో వివాదంపై సాయి ధరమ్ తేజ్ క్లారిటీ ఇచ్చారు. తన మీద, తన టీమ్ మీద కొన్ని అసత్య ప్రచారాలు జరుగుతున్నాయని ప్రెస్ నోట్‌లో తెలిపారు.
అబ్దుల్ ఫర్హాన్కు ఆర్థికంగా సాయం చేసినట్లు తాను కానీ, తన టీమ్ కానీ ఎక్కడా చెప్పలేదంటూ మెగా హీరో స్ప‌ష్టం చేశారు. అతడి వివరాలు తమ దగ్గర ఉన్నాయని.. అబ్దుల్ ఫర్హాన్ ఎప్పుడైనా క‌ల‌వాల‌ని అనుకుంటే తన మేనేజర్ ద్వారా న‌న్ను క‌ల‌వొచ్చ‌ని మెగా హీరో అన్నాడు. మ‌రి ఇప్ప‌టికైన ఈ వివాదంపై పులిస్టాప్ ప‌డుతుందా అనేది చూడాలి.
మరిన్ని వార్తల కోసం హోం పేజీ కి వెళ్ళండి | GO TO HOMEPAGE