Sadha: జయం సినిమాతో వెండితెరకు పరిచయమైన అందాల ముద్దుగుమ్ము సదా.. తొలి చిత్రానికి ఉత్తమ నటిగా ఫిలిం ఫేర్ అందుకున్న ఈ అమ్మ‌డు ఎన్టీఆర్, విక్రమ్ వంటి స్టార్ హీరోస్ సరసన నటించి స్టార్ హీరోయిన్‌గా పేరు తెచ్చుకుంది. తెలుగుతో పాటు త‌మిళం, క‌న్న‌డ, మ‌ల‌యాళ భాష‌ల‌లోను న‌టించింది. అయితే కొన్నాళ్ల‌కు అవ‌కాశాలు త‌గ్గడంతో బుల్లితెర‌పై జడ్జిగా సంద‌డి చేస్తుంది. ఇక సోషల్ మీడియాలో యాక్టివ్‌గా ఉండే ఈ భామ తాజాగా ఓ ఎమోషనల్ వీడియో షేర్ చేసింది. అందులో సదా కన్నీళ్లు పెట్టుకుంది.
కొద్ది కాలంగా ముంబైలో సదా ఎర్త్‌లింగ్స్ కెఫె పేరిట ఒక వెజ్ రెస్టారెంట్ న‌డుపుతుండ‌గా, అనుకోకుండా ఈ కెఫె మూసేయాల్సిన పరిస్థితి వచ్చింది. దీంతో ఎమోషనల్ అయింది. “2019 ఏప్రిల్ 23న ఎర్త్ లింగ్స్ కెఫె ప్రారంభించాను. ఇది నేను స్టార్ట్ చేసిన మొద‌టి బిజినెస్.. ఈ వ్యాపారాన్ని నా కన్నబిడ్డాలా చూసుకున్నాను కాని 2023 ఏప్రిల్ 23 నాకు బాధను మిగిల్చింది. కెఫె స్థలం యజమాని ఫోన్ చేసి ఖాలీ చేయాలని ఆదేశించ‌డంతో పెద్ద షాక్ తగిలినట్లైంది. కన్నీళ్లు వస్తున్నాయి. మూడు వారాల్లోనే మేము ఖాళీ చేయాలి. దీన్ని వదిలి వెళ్లాలని నాకు లేదు. ఏ మాత్రం తట్టుకోలేకపోతున్నాను అని చెబుతూ కన్నీ్ళ్లు పెట్టుకుంది. ఈ వీడియో చూసిన నెటిజన్స్ సదాకు ధైర్యం అందిస్తున్నారు.