EAGLE : మొదటి నుంచి రవితేజ కెరీర్‌లో మంచి దూకుడు చూపిస్తున్నాడు. హిట్లు.. ఫ్లాప్‌లతో సంబంధం లేకుండా వరుస సినిమాలు చేస్తున్నాడు. ఫ్లాప్‌లు అతని కెరీర్‌ని ప్రభావితం చేసిన సందర్భాలు లేవు. రీసెంట్ గా ‘ధమాకా’ సినిమాతో మంచి విజయాన్ని అందుకున్న ఆయన ‘రావణాసుర’తో ఫ్లాప్‌ను చవిచూడాల్సి వచ్చింది.
ఇక రవితేజ కొత్త సినిమా ‘టైగర్ నాగేశ్వరరావు’ అభిమానులను పలకరించడానికి సిద్దం అవుతోంది. ఒకప్పుడు ఇదే పేరుతో సందడి చేసిన స్టూవర్టుపురం గజదొంగ కథ ఇది. ఈ సినిమా అక్టోబర్‌లో ప్రేక్షకుల ముందుకు రానుంది. ఈ నేపథ్యంలో పీపుల్ మీడియా ఫ్యాక్టరీ బ్యానర్‌పై రవితేజ ఓ సినిమా చేస్తున్నాడు. రవితేజ కెరీర్‌లో ఇది 73వ సినిమా.
కార్తీక్ ఘట్టమనేని ఈ చిత్రానికి దర్శకత్వం వహిస్తున్నారు. ఈ చిత్రానికి ఇంకా టైటిల్ ఖరారు కాలేదు. కొద్దిసేపటి క్రితమే ఈ చిత్రానికి ‘ఈగల్’ అనే టైటిల్‌ను కన్ఫర్మ్ చేస్తూ రవితేజ పోస్టర్‌ను విడుదల చేశారు. రవితేజ తుపాకీ పట్టుకుని ఏదో ఆలోచిస్తున్నాడు. అతను విధ్వంసం సృష్టించడానికి సిద్ధంగా ఉన్నాడు. టైటిల్ పోస్టర్ ఒక్కటే సినిమాపై ఆసక్తిని రేకెత్తించింది. వచ్చే ఏడాది సంక్రాంతికి సినిమాను విడుదల చేయనున్నట్టు ప్రకటించారు.