మాస్ మహారాజా రవితేజ నటించిన , త్రినాధ రావు నక్కిన దర్శకత్వం లో రూపొందిన మాస్ యాక్షన్ ఎంటర్‌టైనర్ ధమాకా టీజర్ , ఇంకా పాటలకు అద్భుతమైన రెస్పాన్స్‌ వచ్చింది.
దాదాపు ప్రతి పాట చార్ట్‌బస్టర్‌గా నిలుస్తుంది. ‘జింతాక్’ మరియు ‘దండకడియాల్’ ట్రాక్‌లను మాస్ ప్రేక్షకులు ఇష్టపడుతున్నారు. విజయవంతమైన మ్యూజికల్ ప్రమోషన్ల తర్వాత, మేకర్స్ ఈ రోజు సినిమా థియేట్రికల్ ట్రైలర్‌ను విడుదల చేసే తేదీని ప్రకటించారు.
డిసెంబర్ 15న ధమాకా ట్రైలర్‌ను విడుదల చేయనున్నారు. ట్రైలర్ పోస్టర్‌లో రవితేజ క్లాస్ అవతార్‌లో సూట్‌లో కళ్లద్దాలు పెట్టుకుని కనిపించారు.ఈ మూవీ లో క్లాస్ మరియు మాస్ అవతార్‌లలో రవితేజ ద్విపాత్రాభినయంలో కనిపించనున్నాడు. రెండు పాత్రలు వినోదాత్మకంగా ఉండబోతున్నాయి. సినిమాలో యాక్షన్ మరియు ఇతర అంశాలు ఉన్నప్పటికీ వినోదం ఎక్కువగా ఉంటుందని, ఈ సినిమా మెగాస్టార్ చిరంజీవి బ్లాక్ బస్టర్ రౌడీ అల్లుడు మూవీ కి ఇంకో వెర్షన్ అని దర్శకుడు చెప్పాడు.
ఈ చిత్రానికి భీమ్స్ సిసిరోలియో సంగీతం అందించారు. ఈ చిత్రంలో శ్రీలీల కథానాయికగా రవితేజ సరసన నటిస్తుంది. టీజీ విశ్వ ప్రసాద్ నిర్మిస్తున్న ఈ ధమాకా భారీ బడ్జెట్‌తో తెరకెక్కుతోంది. అభిషేక్ అగర్వాల్ ఆర్ట్స్ మరియు పీపుల్ మీడియా ఫ్యాక్టరీ పతాకాలపై రూపొందుతున్న ఈ మూవీ కి కూచిభొట్ల వివేక్ సహ నిర్మాత గా వ్యవహరిస్తున్నారు.
ప్రసన్న కుమార్ ఈ చిత్రానికి కథ, స్క్రీన్‌ప్లే మరియు సంభాషణలు అందించారు. కార్తీక్ ఘట్టమనేని ఈ మూవీ కి సినిమాటోగ్రఫర్ . ఈ చిత్రాన్ని డిసెంబర్ 23న ప్రపంచ వ్యాప్తంగా గ్రాండ్ గా రిలీజ్ చేసేందుకు ప్లాన్ చేస్తున్నారు.
also read news:
Sreemukhi Latest Photos in a purple dress 11-12-2022
heart health : భవిష్యత్తు లో గుండెపోటు రాకుండా ఉండేందుకు పిల్లల జీవనశైలిలో ఎలాంటి మార్పులు చేయాలి ?