అక్షయ్ కుమార్ నటించిన రామ్ సేతు (Ram setu movie) ఎట్టకేలకు ఈరోజు (అక్టోబర్ 25) థియేటర్లలో విడుదలైంది.
Release Date : 25 October, 2022
Rating : 2.5/5
cast: అక్షయ్ కుమార్, జాక్వెలిన్ ఫెర్నాండెజ్,
Director : అభిషేక్ శర్మ
producer: అరుణా భాటియా, విక్రమ్ మల్హోత్రా,సుభాస్కరన్,మహావీర్ S. జైన్,ఆశిష్ సింగ్
music: అజయ్ శ్రీవాస్తవ్, అతుల్ శ్రీవాస్తవ్
DOP : అసీమ్ మిశ్రా
కథ – కథనం
రామ్ సేతు అనేది ఒక పురావస్తు శాస్త్రవేత్త యొక్క జీవితాన్ని మార్చే యాత్ర యొక్క కథ. 2007వ సంవత్సరంలో డా. ఆర్యన్ కులశ్రేష్ఠ (అక్షయ్ కుమార్) పాకిస్థానీ బృందంతో కలిసి ఒక మిషన్ మీద ఆఫ్ఘనిస్తాన్‌లోని బమ్యాన్‌కి వెళతాడు.
అక్కడ, అతను భారతీయ రాజుకు చెందిన పురాతన నిధిని కనుగొంటారు . అకస్మాత్తుగా, తాలిబన్లు అక్కడ వారిపై దాడి చేస్తారు. ఆర్యన్ తప్పించుకుంటాడు, కానీ అదే సమయంలో, అతను తనతో పాటు నిధిని తీసుకువెళ్తాడు. విలేఖరుల సమావేశంలో, అతను నాస్తికుడు అని చెప్పడం జరుగుతుంది మరియు చరిత్రను కాపాడటానికి అతను తన జీవితాన్ని ఎలా పణంగా పెట్టాడు అనే దానికంటే ఎక్కువగా ఇది అందరిని ఆకర్షిస్తుంది.
ఇంతలో, పుష్పక్ షిప్పింగ్ యజమాని ఇంద్రకాంత్ (నాసర్) తన సేతుసముద్రం ప్రాజెక్ట్‌లో భాగంగా రామసేతును కూల్చివేయాలని భారత ప్రభుత్వాన్ని అభ్యర్థిస్తాడు. దీని వల్ల ఇంధనం ఆదా అవుతుందని, భారత్-శ్రీలంక మధ్య ప్రయాణ సమయం తగ్గుతుందని ఆయన అభిప్రాయపడతారు. ఇది దేశంలో తీవ్ర ఆగ్రహానికి దారి తీస్తుంది మరియు సుప్రీంకోర్టులో పిటిషన్ దాఖలు చేయబడుతుంది.
ప్రభుత్వం ఇంద్రకాంత్‌తో చేతులు కలిపి, ఆర్కియోలాజికల్ సొసైటీ ఆఫ్ ఇండియా (ASI) సహాయం తీసుకుంటుంది. ఆర్యన్ కు అప్పుడే ASI జాయింట్ డైరెక్టర్ జనరల్‌గా ప్రమోషన్ వస్తుంది. ఆయనలాంటి నాస్తికుడు తమకు సహాయం చేయగలడని ప్రభుత్వం భావించి రామసేతు సహజసిద్ధమైన కట్టడమని, మానవ నిర్మితం కాదని పేర్కొంటూ నివేదికను సమర్పించాల్సిందిగా కోరుతుంది.
ఆర్యన్ దీనిపై పరిశోధన చేయడానికి సమయం అడుగుతాడు, కానీ అతనికి అనుమతి లభించదు. అయితే ఆయన సమర్పించిన నివేదిక రామాయణంపై కూడా ప్రశ్న లేవనెత్తుంది. ఇది పెను వివాదానికి దారి తీస్తుంది.
ఆ తరువాత ఆర్యన్ ఆ రామ సేతు గురించి మరిన్ని వివరాలు తెలుసుకోవడానికి మరి కొందరితో కలిసి అక్కడికి వెళ్తాడు, ఆ తర్వాత ఏమి జరిగింది? రాముడి గురించి ఆర్యన్ ఏమి తెలుసుకున్నాడు అనేదే ఈ సినిమా కథ.
అభిషేక్ శర్మ కథ చాలా ఆశాజనకంగా ఉంది మరియు బ్లాక్‌బస్టర్‌కు కావలసిన అన్ని అంశాలు ఉన్నాయి. అయితే అభిషేక్ శర్మ స్క్రీన్ ప్లే మిక్స్ డ్ బ్యాగ్ గా ఉంది. కొన్ని సన్నివేశాలు బాగా ఆలోచించినప్పటికీ, కొన్ని మాత్రం అంతగా ఆకట్టుకోలేకపోయాయి. అభిషేక్ శర్మ, డా.చంద్రప్రకాష్ ద్వివేది డైలాగ్స్ బాగున్నాయి.
అభిషేక్ శర్మ దర్శకత్వం పర్వాలేదు. పాజిటివ్ విషయానికొస్తే, 144 నిమిషాల నిడివి గల ఈ చిత్రం ఒక్క క్షణం కూడా బోర్ కొట్టకుండా సాగుతుంది. ఆర్యన్ రామసేతు వద్దకు చేరుకుని అతని పరిశోధన చేసే విధానం ప్రేక్షకుడిని కథలో పూర్తిగా లీనమయ్యేలాగా చేస్తుంది. రావణుడి లంకను వెతకడానికి అతను కాలినడకన వెళ్లే సన్నివేశాలు కూడా అలాగే ఉంటాయి. ఇలాంటివి బాలీవుడ్‌లో ఇంతకు ముందెన్నడూ చూడలేదు అదే ఈ సినిమాకు ప్లస్.
మరోవైపు, ఆర్యన్ మరియు అతని బృందం చేసే పరిశోధనలు కొన్ని లాజిక్ కి అందవు, గత 7000 సంవత్సరాలలో ఎవరూ ఈ ముఖ్యమైన ప్రదేశాలను త్రవ్వడం లేదా గుర్తించలేకపోవడం అనేది కొంచెం వింతగా అనిపిస్తుంది.
ముఖ్యంగా భారీ బడ్జెట్ చిత్రానికి సంబంధించిన VFX మాత్రం చాలా పేలవంగా ఉంది. చివరగా, ఆర్యన్‌పై హింసాత్మక దాడి చేసినవారు సరైనవారని చూపడం ఈ సినిమాకు సమస్యలు తెచ్చిపెట్టే అవకాశం ఉంది.
ఆఫ్ఘనిస్తాన్ ఎపిసోడ్ ఇది చరిత్రతో కూడిన యాక్షన్ చిత్రం అని మూడ్ సెట్ చేయడం కాస్త నిదానంగా సాగినా మళ్ళీ ఆర్యన్ రామేశ్వరం చేరుకోగానే పుంజుకుంటుంది. అతను రాక్ శాంపిల్ తీసుకొచ్చే సన్నివేశం చప్పట్లు కొట్టేలా ఉంది.
ఇంటర్వెల్ పాయింట్ ఆసక్తికరంగా ఉంది. విరామం తర్వాత, రావణ ట్రయిల్ ఎపిసోడ్, ఆకర్షణీయంగా ఉన్నప్పటికీ, లాజిక్ కనపడదు. కోర్ట్‌రూమ్ సన్నివేశం ప్రేక్షకుడిని కట్టిపడేస్తుంది, అయితే చివరి సన్నివేశం సినిమాకి ఒక సంతృప్తికరమైన ముగింపు ఇస్తుంది.
నటన:
అక్షయ్ కుమార్ తన కొత్త లుక్ మరియు పెర్ఫార్మెన్స్ వారీగా చాలా డాషింగ్ గా కనిపిస్తున్నాడు,
జాక్వెలిన్ ఫెర్నాండెజ్ పర్లేదనిపించింది. నుష్రత్ భరుచ్చా (గాయత్రి) బాగా నటించింది కానీ పాత్ర ప్రభావం పెద్దగా లేదు.
సత్య దేవ్ (ఏపీ) చాలా బాగా చేసాడు మరియు సినిమాలో అతని పాత్ర ప్రత్యేకంగా ఉంది.
మిగిలిన నటీనటులు మరియు ఆర్యన్ సీనియర్ పాత్రలు అందరు తమ పాత్రల పరిధులు మేరకు నటించారు.
రామ్ సేతు పాటలు లేని సినిమా. థీమ్ ట్రాక్ చివరిలో ప్లే చేయబడింది. డేనియల్ బి జార్జ్ బ్యాక్‌గ్రౌండ్ స్కోర్ బాగుంది మరియు సినిమా మూడ్‌తో సరిగ్గా సరిపోతుంది.
ప్రొడక్షన్ డిజైన్ రిచ్‌గా ఉంది. VFX మాత్రం నాసిరకంగా చాలా పేలవంగా ఉంది. ఎడిటింగ్ బాగుంది.
మొత్తం మీద, రామ్ సేతు ఒక ఆసక్తికరమైన కథతో ప్రారంభమైనప్పటికీ సరైన కథాంశం లేకపోవడం మరియు పేలవమైన VFX తో ప్రేక్షకులిని నిరాశపరిచింది. బాక్సాఫీస్ వద్ద, ఇది నిలదొక్కుకోవడం ముఖ్యంగా అంత ప్రోత్సాహకరంగా లేని ఓపెనింగ్ తర్వాత కొంచెం కష్టమే అంటున్నారు సినీ విశ్లేషకులు.