Ram: టాలీవుడ్ లో ప్రస్తుతం ఎనర్జిటిక్ హీరోగా మంచి పేరు తెచ్చుకున్నాడు హీరో రామ్. వైవిధ్య‌మైన సినిమాలు చేస్తూ ప్రేక్ష‌కుల‌ని అల‌రిస్తున్న రామ్.. పూరి జగన్నాథ్ తెరకెక్కించిన ఇస్మార్ట్ శంకర్ మూవీతో కెరీర్‌లోనే భారీ హిట్ కొట్టాడు. ఈ సినిమా త‌ర్వాత మ‌నోడికి మ‌ళ్లీ అలాంటి హిట్ ద‌క్క‌లేదు. ప్రస్తుతం బోయపాటి శ్రీను దర్శకత్వంలో శ్రీనివాస సిల్వర్ స్క్రీన్ బ్యానర్ పై రూపొందుతున్న భారీ పాన్ ఇండియన్ మూవీ ఒక‌టి చేస్తున్నారు. ఇందులో క‌థానాయిక‌గా శ్రీలీల న‌టిస్తుంది.
శ‌ర‌వేగంగా షూటింగ్ జ‌రుపుకుంటున్న ఈ మూవీకి థ‌మ‌న్ సంగీతం అందిస్తున్నారు. అక్టోబర్ 20న ఈ చిత్రాన్ని ప్రేక్షకుల ముందుకు తీసుకొచ్చే ప్ర‌య‌త్నాలు చేస్తుండ‌గా, మే 15న హీరో రామ్ బర్త్ డే సందర్భంగా ఆ రోజు డ‌బుల్ ట్రీట్ ఇవ్వ‌బోతున్నార‌ని తెలుస్తుంది. బోయపాటి మూవీ నుండి ఒక సర్ప్రైజ్ అప్ డేట్ తో పాటు పూరి జగన్నాథ్ తో రామ్ చేయనున్న మూవీ యొక్క అనౌన్స్ మెంట్ కూడా ఇవ్వ‌నున్నార‌ని ఇండ‌స్ట్రీలో టాక్ న‌డుస్తుంది. అయితే ఇస్మార్ట్ శంకర్ తరువాత పూరి, రామ్ కలిసి చేయనున్న ఈ ప్రాజక్ట్ పై మాత్రం అంచ‌నాలు ఓ రేంజ్‌లో ఉన్నాయి. మ‌ళ్లీ ఈ సినిమాతో పూరీ, రామ్ లైమ్ లైట్‌లోకి రావాల‌ని ఫ్యాన్స్ భావిస్తున్నారు.