Ram Charan Daughter : మెగా ఫ్యామిలీలోనే కాదు వారి అభిమానుల ఇళ్లల్లోనూ ఇప్పుడు ఓ రకమైన పండుగ వాతావరణం నెలకొంది. మెగాస్టార్ చిరంజీవి తనయుడు, హీరో మెగా పవర్ స్టార్ రామ్ చరణ్, ఉపాసన దంపతులు తల్లిదండ్రులయ్యారు.
సోమవారం రాత్రి అపోలో ఆసుపత్రిలో చేరిన ఉపాసన మంగళవారం తెల్లవారుజామున 1.49 గంటలకు పండంటి ఆడబిడ్డకు జన్మనిచ్చింది. తల్లీ బిడ్డ క్షేమంగా ఉన్నారని ఆస్పత్రి యాజమాన్యం బులెటిన్‌ను కూడా విడుదల చేసింది. ఉపాసన తల్లి శోభన కామినేని, అత్త సురేఖ కొణిదెలతో కలిసి సోమవారం సాయంత్రం అపోలో ప్రో హెల్త్ హాస్పిటల్‌కి వెళ్లిన వీడియో సోషల్ మీడియాలో వైరల్ అవుతోంది.
ఇక, చిరంజీవి మనువరాలి జాతకం బాగుందని జంధ్యాల జగన్నాథ శాస్త్రి అన్నారు. మెగా ప్రిన్సెస్ గా చెప్పుకునే రామ్ చరణ్, ఉపాసన దంపతుల కుమార్తె మిధున రాశి, పునర్వసు నక్షత్రం, మేష లగ్నం లో జన్మించిందని తెలిపారు. విష్ణు అంశతో కూడిన నక్షత్రంగా అభివర్ణించారు. లగ్నములో గురువు ఉన్నాడని తేలింది. పార్వతీ దేవి, లక్ష్మీదేవి, సరస్వతీ దేవి అనే త్రిగుణాల అంశలో బిడ్డ పుట్టిందని స్పష్టం చేశారు. సాక్షాత్తు శ్రీజగన్మాతే పుట్టిందన్నారు.
మంగళవారం నుండే పూరీ జగన్నాథ్ రధ యాత్ర ప్రారంభమైంది. అందుకే జంధ్యాల జగన్నాథ శాస్త్రి గారు ఇది చాలా శుభప్రదమైన రోజు అని అన్నారు. సాక్షాత్తూ మెగా ఫ్యామిలీ ఇంట పుట్టిన మహలక్ష్మిదేవేనని వివరించారు. రామ్ చరణ్, ఉపాసన ల కూతురు ఇరు కుటుంబాల కీర్తిని పెంచుతుందని జాతకం చెబుతోంది. పేరుప్రఖ్యాతులు వస్తాయని శాస్త్రి గారు అన్నారు.
మెగాస్టార్ చిరంజీవికి ఇష్టమైన దేవుడు ఆంజనేయుడు అన్న సంగతి అందరికీ తెలిసిందే. తమకు ఇష్టమైన మంగళవారం పాప పుట్టడం సంతోషంగా ఉందని చిరంజీవి అన్నారు. ఆంజనేయుడు శ్రీరామునికి అమితమైన భక్తుడు. ఆసక్తికరమైన విషయం ఏమిటంటే, రాముడి జన్మ నక్షత్రం కూడా పునర్వసు కాగా , ఇప్పుడు అదే నక్షత్రంలో మెగా ప్రిన్సెస్ జన్మించింది.
ఇప్పటికే ఆమె జాతకం ఏమిటి? ఆమె వల్ల రామ్ చరణ్, ఉపాసన జీవితాల్లో ఎలాంటి మార్పులు చోటు చేసుకోబోతున్నాయనే దానిపై ఇప్పటికే సోషల్ మీడియాలో చర్చ నడుస్తోంది.
read more :
Ram Charan Upasana: తల్లిదండ్రులైన రామ్ చరణ్, ఉపాసన.. మెగా ప్రిన్సెస్ వచ్చేసింది