Roja: జ‌బ‌ర్ధ‌స్త్‌తో తెలుగు ప్రేక్ష‌కుల‌కి మంచి వినోదం పంచే క‌మెడీయ‌న్స్ లో రాకింగ్ రాకేష్ ఒక‌రు. మొద‌ట్లో ఆయన క‌మెడీయ‌న్‌గా పరిచ‌యం కాగా, ఆ త‌ర్వాత టీమ్‌ని లీడ్ కూడా చేశాడు. ఎక్కువ‌గా చిన్న పిల్ల‌ల‌తో స్కిట్స్ చేస్తూ మంచి ఎంట‌ర్‌టైన్‌మెంట్ అందించే రాకేష్.. జోర్దార్ సుజాత‌తో ప్రేమ‌లో ప‌డ్డాడు. ఈ విష‌యం గురించి అంద‌రికి తెలిసిందే. త్వ‌ర‌లో వీరిరివురు పెళ్లి పీట‌లు కూడా ఎక్క‌నున్నారు. కొన్ని రోజుల క్రితం రాకేష్ – సుజాతల నిశ్చితార్థం కూడా జ‌రిగింది.
దర్శన స‌మ‌యం..
నిశ్చితార్థం త‌ర్వాత సుజాత .. రాకేష్ వాళ్ళ ఇంట్లో వరలక్ష్మీ వ్రతం జరుపుకోవడం పెద్ద హాట్ టాపిక్ గా మారింది. ఇక వీరు పెళ్లి పీట‌లు ఎక్క‌డం ఖాయ‌మ‌ని అంద‌రు భావిస్తున్న త‌రుణంలో 2023 ఫిబ్రవరి నెలలో రాకేష్ , సుజాతల వివాహం జరగబోతుందని ఓ కార్య‌క్ర‌మంలో గెట‌ప్ శీను సీక్రెట్ బ‌య‌ట‌పెట్టేశాడు.
ఇక వీరి పెళ్లి కోసం వారి అభిమానులు ఎంతో ఆస‌క్తిగా ఎదురు చూస్తున్నారు. అయితే తాజాగా ఈ జంట ఏపీ మంత్రి రోజాతో కలిసి తిరుమ‌ల శ్రీవారిని ద‌ర్శించుకున్నారు. వీఐపీ దర్శన స‌మ‌యంలోనే వీరు శ్రీవారిని ద‌ర్శించుకున్న‌ట్టు తెలుస్తుంది. ప్రస్తుతం ఇందుకు సంబంధించి పిక్స్ హ‌ల్ చ‌ల్ చేస్తున్నాయి.
రాకింగ్ రాకేష్ ఒక‌ప్పుడు నటరాజ్ టీమ్ లో ఉండేవాడు. ఆయన వెళ్లిపోయిన అనంతరం ఇతర టీమ్ సభ్యులతో కలిసి స్కిట్స్ చేసాడు. కామెడీ చేయ‌డ‌మే కాకుండా అత‌ని పంచ్‌ల‌కి ప్ర‌త్యేక గుర్తింపు ద‌క్కింది.. దీంతో అత‌నికి టీమ్ లీడర్ గా జబర్దస్త్ మేనేజ్మెంట్ బాధ్య‌త‌లు ఇచ్చారు. వారు పెట్టుకున్న న‌మ్మకాన్ని రాకేష్ ఏనాడు వ‌మ్ము చేయ‌లేదు.
ఇక సుజాత విష‌యానికి వ‌స్తే.. బిగ్ బాస్ సీజన్ 4 కంటెస్టెంట్ గా ప్రేక్షకులకు ద‌గ్గ‌రైన ఈ అమ్మడు… నాగార్జునను బిట్టు అని పిలవడంతో కాస్త పాపులారిటీ తెచ్చుకుంది. ప్రస్తుతం జబర్దస్త్ షోలో స్కిట్లు చేయడం ద్వారా మంచి పాపులారిటీని పెంచుకుంది.