ఆర్ఆర్ఆర్ సీక్వెల్‌కు కథ సిద్ధం చేస్తున్నట్లు ప్రకటించిన రాజమౌళి

బాహుబ‌లి సినిమాతో సంచ‌ల‌నాలు క్రియేట్ చేసిన రాజ‌మౌళి ఇటీవ‌ల ఆర్ఆర్ఆర్ చిత్రంతో కూడా సెన్సేష‌న్ క్రియేట్ చేశాడు. ఈ మూవీ ఇంటా బ‌య‌టా కూడా ప్ర‌శంసలు అందుకుంది. నిర్మాణ విలువలు, విజువల్స్, నటీనటుల ప్రతిభ… ఇలా అనేక అంశాల్లో ఆర్ఆర్ఆర్ చిత్రం విమర్శకుల ప్రశంసలు ద‌క్కించుకుంది.

ఎన్టీఆర్‌, రామ్‌చ‌ర‌ణ్ హీరోలుగా రాజ‌మౌళి ద‌ర్శ‌క‌త్వంలో రూపొందిన ఆర్ఆర్ఆర్ సినిమాకు సీక్వెల్ కూడా తీస్తే బాగుంటుంద‌ని చాలా మంది కొద్ది రోజులుగా రాజ‌మౌళికి రిక్వెస్ట్‌లు పెడుతున్నారు. అయితే దీనిపై జ‌క్క‌న్న పెద్ద‌గా స్పందించ‌లేదు. కాని రీసెంట్‌గా ఆర్ఆర్ఆర్ -2 తెర‌కెక్కించ‌బోతున్న‌ట్లు ద‌ర్శ‌కుడు రాజ‌మౌళి స్వ‌యంగా ప్ర‌క‌టించడంతో అభిమానుల ఆనందం హ‌ద్దులు దాటింది.

చికాగోలో జ‌రిగిన ఆర్ఆర్ఆర్ స్పెష‌ల్ స్క్రీనింగ్‌కు రాజ‌మౌళి గెస్ట్‌గా హాజ‌రు కాగా, ఈ సంద‌ర్భంగా ఆర్ఆర్ఆర్ 2పై ఆయ‌న ఇంట్రెస్టింగ్ కామెంట్స్ చేశాడు. ఆర్ఆర్ఆర్ సీక్వెల్ కోసం త‌న తండ్రి, రైట‌ర్ విజ‌యేంద్ర‌ప్ర‌సాద్ మ‌ధ్య క‌థ‌కు సంబంధించిన డిస్క‌ష‌న్ జరిగింద‌ని, ఇప్పుడు క‌థ‌ను సిద్ధం చేస్తున్న‌ట్లు కూడా రాజ‌మౌళి పేర్కొన్నాడు.

ఒక‌సారి క‌థ క‌రెక్ట్‌గా సెట్ అయితే ఈ మూవీ ప్రీ ప్రోడ‌క్ష‌న్ ప‌నులు మొద‌లు కావ‌డం ఖాయంగా క‌నిపిస్తుంది. అయితే సీక్వెల్ గురించి రాజ‌మౌళి అనౌన్స్‌చేయ‌డంతో అభిమానుల్లో ఆనందం హ‌ద్దులు దాటింద‌నే చెప్పాలి.

మ‌రి ఈ సీక్వెల్ ఎప్పుడు మొద‌ల‌య్యే అవ‌కాశం ఉంద‌న్న‌ది మాత్రం రాజ‌మౌళి చెప్ప‌క‌పోవ‌డంతో అభిమానులు ఆలోచ‌న‌లు చేస్తున్నారు. యాక్ష‌న్ ఎంట‌ర్‌టైన‌ర్‌గా రూపొందిన ఆర్ఆర్ఆర్ సినిమా ఈ ఏడాది మార్చి 25న రిలీజైన ఈ సినిమా 1200 కోట్ల‌కుపైగా వ‌సూళ్ల‌ను రాబ‌ట్టింది.

ఇందులో అల్లూరి సీతారామ‌రాజుగా రామ్‌చ‌ర‌ణ్‌, కొమురం భీమ్‌గా ఎన్టీఆర్ న‌టించ‌గా, వారి న‌ట‌న‌కు ప్ర‌శంస‌లు ద‌క్కాయి. ఇద్ద‌రు పోరాట యోధులు క‌లిసి బ్రిటీష‌ర్స్‌పై సాగించిన పోరాటాన్ని హై ఇంటెన్స్ ఎమోష‌న‌ల్ యాక్ష‌న్ అంశాల‌తో రాజ‌మౌళి అద్భుతంగా తెర‌పై ఆవిష్క‌రించిన తీరుకు ప్రేక్ష‌కలోకం తెగ ఫిదా అయింది. అందుకే సీక్వెల్ తెర‌కెక్కించాల‌ని జ‌క్క‌న్న‌పై అంత ఫోర్స్ పెట్టారు..

also read news:

T20 world cup: అప్పుడు విల‌న్.. ఇప్పుడు హీరో.. ఛాంపియన్ దక్కించుకున్న‌ ప్రైజ్‌మనీ ఎంతంటే..!

Children’s Day : మీ పిల్లలకు ఈ నాలుగు బహుమతులు ఇవ్వండి