Rajamouli: బాహుబ‌లి, ఆర్ఆర్ఆర్ సినిమాల‌తో తెలుగు సినిమా ఖ్యాతిని పెంచాడు ద‌ర్శక ధీరుడు రాజమౌళి. ఇక త్వ‌ర‌లో మహేష్ బాబుతో సినిమా తెరకెక్కించే ప‌నిలో ఉండ‌గా, ప్ర‌స్తుతం ఆ వర్క్ లో బిజీగా ఉన్న సంగతి తెలిసిందే. తాజాగా ఇంటర్వ్యూలో రాజమౌళి తన డ్రీమ్ ప్రాజెక్టు గురించి అదిరిపోయే కామెంట్స్ చేసి అంద‌రికి షాక్ ఇచ్చాడు. భారతీయ ఇతిహాసం మహాభారతాన్ని తెరకెక్కించేందుకు తన వద్ద కొన్ని ప్లాన్స్ ఉన్నాయని చెప్పి ఆశ్చ‌ర్య‌ప‌రిచారు. అయితే ఆ ప్లాన్ ఎప్పుడు అప్లై చేయాల‌నేది నిర్ణ‌యించ‌లేద‌ని పేర్కొన్నారు.
మహాభారతాన్ని ఇప్పటికే అనేక వందల ఎపిసోడ్స్ లో బుల్లితెరపై ఆవిష్కరించారు అలానే సిల్వర్స్ స్క్రీన్ పై ఎవరికి తోచిన విధంగా చూపించారు. అయితే మహాభారతం ఎంతో పెద్ద కథ, చాలా సంకిష్టమైనది. ప్రతి చిన్న పాత్రకి కూడా ఒక ప్రాధాన్యత త‌ప్ప‌క ఉంటుంది. అలాంటి కథని ఆవిష్కరించాలంటే 10 భాగాలలో తెరకెక్కించాలి అని రాజమౌళి పేర్కొన్నారు. మహాభారతం విషయంలో తన మైండ్ లో విజన్ ఉన్నప్పటికీ ఎప్పుడు ఎలా చేయాలనే దానిపై ఇంకా పూర్లా క్లారిటీ రాలేద‌ని స్ప‌ష్టం చేశాడు. మొత్తానికి మ‌హాభార‌తంపై అయితే రాజమౌళి ఓ క్లారిటీ ఇవ్వ‌డంతో ఫ్యాన్స్ ఆనందంగా ఉన్నారు.